इंडियन प्रीमियर लीगच्या 16व्या हंगामातील 22वा सामना आज मुंबई इंडियन्स आणि कोलकाता नाईट रायडर्स यांच्यात खेळला गेला. दोन्ही संघांमधील हा सामना मुंबईच्या वानखेडे स्टेडियमवर खेळला गेला. या सामन्यात मुंबई इंडियन्सने कोलकाता नाईट रायडर्सचा पाच गडी राखून पराभव केला आहे.या विजयासह मुंबईने या मोसमातील दुसरा विजय संपादन केला आहे. तत्पूर्वी, मुंबई इंडियन्सचा कर्णधार सूर्यकुमार यादवने नाणेफेक जिंकून प्रथम गोलंदाजी करण्याचा निर्णय घेतला. नाणेफेक हारल्यानंतर कोलकाता नाईट रायडर्सच्या संघाने प्रथम फलंदाजी करताना 20 षटकांत 6 गडी गमावून 185 धावा केल्या. कोलकाता नाईट रायडर्सकडून वेंकटेश अय्यरने शानदार 104 धावा केल्या. मुंबई इंडियन्सकडून हृतिक शोकीनने सर्वाधिक दोन विकेट घेतल्या. लक्ष्याचा पाठलाग करताना मुंबई इंडियन्स संघाने 17.4 षटकांत पाच गडी गमावून लक्ष्य गाठले. मुंबई इंडियन्सकडून सलामीवीर इशान किशनने सर्वाधिक 58 धावांची खेळी खेळली. कोलकाता नाईट रायडर्सकडून सुयश शर्माने सर्वाधिक दोन विकेट घेतल्या.

('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)