मुंबईतील प्रसिद्ध जुहू बीचवर आंघोळीसाठी गेलेले सहा जण सोमवारी समुद्रात वाहून गेले. या 6 जणांपैकी 2 लोकांना बाहेर काढण्यात यश आले, मात्र 4 लोक अद्याप बेपत्ता आहेत. यासाठी शोध मोहीम सुरू आहे. बृहन्मुंबई महानगरपालिकेने याबाबत माहिती दिली. ही घटना सायंकाळी 5.28 ची आहे. बीएमसी, पोलीस, वॉर्ड कर्मचारी आणि रुग्णवाहिका टीम बचावकार्यात सहभागी आहे. सध्या 'बिपरजॉय' वादळाच्या पार्श्वभूमीवर समुद्रात न जाण्याचा इशारा देण्यात आला आहे. येत्या 15 जून रोजी गुजरातमधील कच्छ जिल्ह्यात बिपरजॉय धडकण्याची शक्यता लक्षात घेऊन, राष्ट्रीय आपत्ती प्रतिसाद दलाने (NDRF) खबरदारीचा उपाय म्हणून मुंबईत दोन अतिरिक्त पथके तैनात केली आहेत. (हेही वाचा: Cyclone Biparjoy: बिपरजॉय चक्रीवादळ रौद्र रूपात; समुद्रात उंच लाटा Watch Video)

('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)