Karnataka CM Oath Ceremony: कर्नाटकच्या मुख्यमंत्रिपदाच्या शपथविधी सोहळ्याला Sharad Pawar राहणार उपस्थित; Congress अध्यक्षांनी फोन करून दिले निमंत्रण
काँग्रेसने या शपथविधी सोहळ्यात विरोधकांची ताकद दाखवण्यासाठी देशातील अनेक मुख्यमंत्री आणि मान्यवर नेत्यांना आमंत्रित केले आहे.
काँग्रेस नेते सिद्धरामय्या उद्या म्हणजेच शनिवारी कर्नाटकचे नवे मुख्यमंत्री आणि डीके शिवकुमार उपमुख्यमंत्री म्हणून शपथ घेणार आहेत. बेंगळूरू येथे हा कार्यक्रम पार पडणार आहे, ज्याची तयारी पूर्ण झाली आहे. काँग्रेसने या शपथविधी सोहळ्यात विरोधकांची ताकद दाखवण्यासाठी देशातील अनेक मुख्यमंत्री आणि मान्यवर नेत्यांना आमंत्रित केले आहे. बिहारचे मुख्यमंत्री नितीश कुमार, उपमुख्यमंत्री तेजस्वी यादव, सपा प्रमुख अखिलेश यादव, एमके स्टॅलिन, फारुख अब्दुल्ला यांच्यासह राष्ट्रवादीचे अध्यक्ष शरद पवार, महाराष्ट्राचे माजी मुख्यमंत्री उद्धव ठाकरे यांनाही आमंत्रित केले आहे. कर्नाटक सरकारच्या शपथविधी सोहळ्याला राष्ट्रवादीचे अध्यक्ष शरद पवार उपस्थित राहणार आहेत.
याबाबत माहिती देताना पवार म्हणाले की, ‘कर्नाटकच्या मुख्यमंत्र्यांच्या शपथविधी सोहळ्यासंदर्भात मला काँग्रेस अध्यक्षांचा फोन आला होता. त्यांनी सांगितले की या कार्यक्रमाला अनेक प्रमुख नेत्यांना आमंत्रित केले आहे आणि मला या समारंभाला उपस्थित राहण्याची विनंती केली. त्यामुळे शपथविधी सोहळ्याला उपस्थित राहण्यासाठी मी उद्या कर्नाटकात जाणार आहे.’ (हेही वाचा: बेंगळुरू येथे 20 मे रोजी होणार सिद्धरामय्या यांचा शपथविधी सोहळा; कॉंग्रेसकडून शरद पवार, उद्धव ठाकरे यांच्यासह देशातील अनेक मान्यवर नेत्यांना निमंत्रण)
Maharashtra | I received a call from the Congress President regarding the swearing-in ceremony of the Karnataka CM. He said several top leaders are invited and also requested me to attend the ceremony. Therefore, I will go to Karnataka tomorrow to attend the oath-taking ceremony:… pic.twitter.com/opICWY9aqQ
— ANI (@ANI) May 19, 2023
(SocialLY brings you all the latest breaking news, fact checks and information from social media world, including Twitter (X), Instagram and Youtube. The above post contains publicly available embedded media, directly from the user's social media account and the views appearing in the social media post do not reflect the opinions of LatestLY.)
(The above story first appeared on LatestLY on May 19, 2023 09:08 PM IST. For more news and updates on politics, world, sports, entertainment and lifestyle, log on to our website latestly.com).
