Siddaramaiah's Swearing-In Ceremony: बेंगळुरू येथे 20 मे रोजी होणार सिद्धरामय्या यांचा शपथविधी सोहळा; कॉंग्रेसकडून शरद पवार, उद्धव ठाकरे यांच्यासह देशातील अनेक मान्यवर नेत्यांना निमंत्रण
छत्तीसगडचे मुख्यमंत्री भूपेश बघेल, राजस्थानचे मुख्यमंत्री अशोक गेहलोत आणि हिमाचल प्रदेशचे मुख्यमंत्री सुखविंदर सिंग सुखू यांनाही आमंत्रित करण्यात येणार असून तेही उपस्थित राहणार आहेत. पश्चिम बंगालच्या मुख्यमंत्री ममता बॅनर्जी यांनाही निमंत्रण मिळाले आहे पण त्या कार्यक्रमाला उपस्थित राहणार नाहीत.
कर्नाटकात (Karnataka) कॉंग्रेसच्या (Congress) दणदणीत विजयानंतर सिद्धरामय्या (Siddaramaiah) हे राज्याचे नवे मुख्यमंत्री होणार आहेत, तर डीके शिवकुमार कर्नाटकचे उपमुख्यमंत्री होणार आहेत. बुधवारी मध्यरात्री मुख्यमंत्र्यांचे नाव निश्चित झाले. सिद्धरामय्या आणि डीके शिवकुमार यांचा शपथविधी सोहळा 20 मे रोजी बेंगळुरू येथे होणार आहे. या शपथविधी सोहळ्याला अनेक ‘समविचारी’ पक्षांचे नेते उपस्थित राहण्याची शक्यता आहे.
काँग्रेसचे अध्यक्ष मल्लिकार्जुन खर्गे यांनी देशातील अनेक मुख्यमंत्री आणि पक्षाच्या नेत्यांना निमंत्रण दिले असून, त्यांना वैयक्तिकरित्या कार्यक्रमाचे आमंत्रण पाठवले आहे. खरगे यांनी झारखंडचे मुख्यमंत्री हेमंत सोरेन यांना निमंत्रण पाठवले असून ते शपथविधीला उपस्थित राहण्याची शक्यता आहे. यासह खरगे यांनी तामिळनाडूचे मुख्यमंत्री एमके स्टॅलिन, राष्ट्रवादीचे अध्यक्ष शरद पवार, महाराष्ट्राचे माजी मुख्यमंत्री उद्धव ठाकरे, बिहारचे मुख्यमंत्री नितीश कुमार आणि उपमुख्यमंत्री तेजस्वी यादव यांनाही निमंत्रण दिले आहे. नॅशनल कॉन्फरन्सचे प्रमुख फारुख अब्दुल्ला यांनाही निमंत्रण पाठवण्यात आले आहे. बिहारचे मुख्यमंत्री नितीश कुमार कर्नाटकातील काँग्रेस सरकारच्या शपथविधी सोहळ्याला उपस्थित राहणार आहेत, असे जेडीयूचे प्रवक्ते राजीव रंजन यांनी सांगितले.
याशिवाय छत्तीसगडचे मुख्यमंत्री भूपेश बघेल, राजस्थानचे मुख्यमंत्री अशोक गेहलोत आणि हिमाचल प्रदेशचे मुख्यमंत्री सुखविंदर सिंग सुखू यांनाही आमंत्रित करण्यात येणार असून तेही उपस्थित राहणार आहेत. उद्याच्या कार्यक्रमाच्या पाहुण्यांच्या यादीत दिल्लीचे मुख्यमंत्री अरविंद केजरीवाल, तेलंगणाचे मुख्यमंत्री केसीआर, पश्चिम बंगालच्या मुख्यमंत्री ममता बॅनर्जी, केरळचे मुख्यमंत्री पिनराई विजयन, आंध्रचे मुख्यमंत्री वायएस जगन मोहन रेड्डी आणि बसपा नेत्या मायावती यांचा समावेश नाही. हे नेते पूर्व वचनबद्धतेमुळे गैरहजर राहणार असल्याची माहिती मिळाली आहे.(हेही वाचा: PM Narendra Modi आजपासून 6 दिवसांच्या परदेश दौऱ्यावर, 'या' देशांना देणार भेट)
काँग्रेसचे अध्यक्ष आणि कर्नाटकचे मुख्यमंत्री-नियुक्त सिद्धरामय्या यांनी गुरुवारी स्टॅलिन यांना फोन केला आणि त्यांना 20 मे रोजी होणाऱ्या शपथविधी समारंभात सहभागी होण्याचे निमंत्रण दिले, असे चेन्नईतील एका अधिकृत प्रकाशनात म्हटले आहे. केसी वेणुगोपाल म्हणाले, ‘आम्ही समविचारी पक्षाच्या नेत्यांना शपथविधी समारंभाचा भाग होण्यासाठी आमंत्रित करत आहोत.’
(The above story first appeared on LatestLY on May 19, 2023 05:03 PM IST. For more news and updates on politics, world, sports, entertainment and lifestyle, log on to our website latestly.com).
