Nagpur Temperature: राजधानी दिल्ली-एनसीआरसह देशातील बहुतांश राज्ये सध्या तीव्र उष्णतेची लाट सहन करत आहेत. गेल्या काही आठवड्यांपासून दिल्लीचे तापमान 42 ते 48 अंश सेल्सिअसच्या दरम्यान राहिले आहे. आता उष्णतेच्या बाबतीत नागपूरने दिल्लीचा विक्रम मोडला आहे. 30 मे रोजी नागपुरात 56 अंश सेल्सिअस तापमानाची नोंद झाली होती. देशातील हे आतापर्यंतचे सर्वाधिक तापमान आहे. यापूर्वी दिल्लीत सर्वाधिक 52 अंश तापमानाची नोंद झाली होती. नागपुरातील दोन स्वयंचलित हवामान केंद्रांनी (AWS) असामान्यपणे उच्च तापमान नोंदवले आहे, जे 50 अंश सेल्सिअसपेक्षा जास्त आहे. ही स्थानके आयएमडी नेटवर्कचा भाग आहेत. नागपूरच्या रामदासपेठ येथील खुल्या शेतीच्या शेतात असलेल्या एडब्ल्यूएसमध्ये 56 अंश सेल्सिअस तापमानाची नोंद झाली.

मात्र येत्या काही दिवसांत नागपूरकरांना उष्णतेपासून दिलासा मिळण्याची शक्यता हवामान खात्याने व्यक्त केली आहे. आजपासून मान्सून केरळमध्ये दाखल होण्याची शक्यता आहे. या काळात नागपूरसह विदर्भात अनेक ठिकाणी ढगाळ आकाश राहण्याची शक्यता असून, त्यानंतर तापमानात 2 ते 3 अंशांची घसरण दिसून येईल. 1 जून रोजी नागपूरसह विदर्भातील काही जिल्ह्यांमध्ये मेघगर्जना, विजांचा कडकडाट आणि सोसाट्याचा वारा वाहण्याची शक्यता आहे. (हेही वाचा: Southwest Monsoon 2024 Updates: केरळ मध्ये मान्सून आला; महाराष्ट्रात पहा कधी पर्यंत होऊ शकेल आगमन)

पहा पोस्ट- 

('सोशली' (SocialLY) हे आपल्यासाठी ट्विटर, इन्स्टाग्राम आणि यूट्यूब अशा सोशल मीडिया जगातील ताज्या ब्रेकिंग न्यूज, व्हायरल ट्रेंड व माहिती घेऊन येते. वृत्तात एम्बेड केलेली पोस्ट यूजर्सच्या सोशल मीडिया अकाऊंटमधून थेट एम्बेड करण्यात आली आहे. लेटेस्टलीच्या कर्मचाऱ्याने अथवा लेखकाने त्याचे संपादन किंवा त्यात सुधारणा केलेली नाही. सदर पोस्टमधील वस्तुस्थिती, प्रतिक्रियामधून लेटेस्टलीची मते प्रतिबिंबित होत नाहीत. तसेच या मजकूराची जबाबदारी अथवा उत्तरदायीत्व लेटेस्टली स्वीकारत नाही.)