Sushant Singh Rajput Case: आदित्य ठाकरे यांच्याबाबत रिया चक्रवर्ती हिच्याकडून सुशांत सिंह राजपूत प्रकरणात मोठे विधान

अभिनेता सुशांत सिंह राजपूत आत्महत्या (Sushant Singh Rajput Case) प्रकरणात राज्याचे पर्यटन मंत्री, शिवसेना युवा नेते आदित्य ठाकरे (Aditya Thackeray) यांचा कोणताही संबंध नाही. आदित्य ठाकरे यांना ना मी ओळखते, ना त्यांच्याशी कधी संपर्क आला. आदित्य यांच्याशी माझे फोनवर देखील बोलणे झाले नाही, असे रिया चक्रवर्ती (Rhea Chakraborty) हिने म्हटले आहे. सुशांत सिंह राजपूत आत्महत्या प्रकरणात ज्या पद्धतीने आदित्य ठाकरे यांचे नाव पुढे आणले जात होते ते पाहता रिया चक्रवर्ती हिचे वक्तव्य अत्यंत महत्त्वाचे मानले जात आहे.

रिया चक्रवर्ती हिने सुशांत सिंह आत्महत्या प्रकरणात आपल्या वकिलांच्या मार्फत एक पत्र सादर केले आहे. या पत्रात रिया हिने आदित्य यांच्याबाबत महत्त्वाचा खुलासा केला आहे. यासोबतच रियाने असेही म्हटले आहे की, सुशांत राजपूत आत्महत्या प्रकरणाची चौकशी सीबीआय या संस्थेद्वारे करण्यास माझा कोणताही विरोध नाही. परंतू, इथे मुद्दा कार्यक्षेत्राचा (Jurisdiction) आहे. बिहार पोलीस ज्या पद्धतीने या प्रकरणावर आणि त्याच्या चौकशीवर दावा सांगतात तो चुकीचा आहे. (हेही वाचा, Sushant Singh Rajput Case: साक्षीदारांना धमकावले जात आहे; भाजप आमदाराचा आरोप)

Breaking now: Rhea Chakraborty releases detailed statement through her lawyer to @IndiaToday Says never met @AUThackeray or spoken to him. Says has no objection to CBI but Qs jurisdiction of Bihar police. Says Sushant family version of events are ‘nonsense’/‘afterthought. pic.twitter.com/H6vl2hBvcI

— Rajdeep Sardesai (@sardesairajdeep) August 18, 2020

अभिनेता सुशांत सिंह राजपूत याचा मृतदेह बांद्रा येथील राहत्या घरात 14 जन 2020 या दिवशी आढळून आला. त्याच्या शवविच्छेदन अहवालात त्याने आत्महत्या केल्याचे म्हटले आहे. दरम्यान, सुरुवातीला हे प्रकरण बॉलिवूडमधील नेपोटीझमशी जोडण्यात आले. पुणे या प्रकरणाने राजकीय वळण घेतले. बिहार पोलीस किंवा सरकार विरुद्ध महाराष्ट्र पोलीस अथवा सरकार असा सामना रंगला. यात मध्येच राज्याचे पर्यटनमंत्री आदित्य ठाकरे यांचे नाव घेण्यात आले. तेव्हापासून सुशांत सिंह राजपूत हे प्रकरण राजकीयदृष्ट्या अत्यंत टोकदार बनत चालले आहे. त्यामुळे रिया चक्रवर्ती हिची आदित्य ठाकरे यांच्याबाबतची प्रतिक्रिया महत्त्वाची मानली जात आहे.

(The above story first appeared on LatestLY on Aug 18, 2020 01:43 PM IST. For more news and updates on politics, world, sports, entertainment and lifestyle, log on to our website latestly.com).