Satyajeet Tambe आमदार म्हणून अर्थसंकल्पीय अधिवेशनात हजर होताच पोहचले Devendra Fadanvis यांच्या भेटीला; BJP मध्ये होणार सामील?
सत्यजित तांबे यांनी ट्वीट करत देवेंद्र फडणवीस यांच्या सोबत भेट घेऊन त्यांना आजोबा स्व.स्वातंत्र्यसेनानी भाऊसाहेब थोरात यांचे आत्मचरित्र त्यांना भेट दिल्याची माहिती दिली आहे. सोबतच अर्थसंकल्पाबाबतही चर्चा केल्याची माहिती आहे.
नाशिक पदवीधर विधानपरिषदेच्या जागेवरून आमदार झालेले युवा नेते सत्यजित तांबे (Satyajeet Tambe) यांचा विधिमंडळात प्रवेश झाला आहे. कालपासून सुरू झालेल्या अर्थसंकल्पिय अधिवेशनामध्ये (Maharashtra Budget Session) त्यांनी हजेरी लावली आहे. सत्यजित तांबे अपक्ष आमदार आहेत. पण या अर्थसंकल्पीय अधिवेशनादरम्यान त्यांनी मुख्यमंत्री एकनाथ शिंदे आणि उपमुख्यमंत्री देवेंद्र फडणवीस (Devendra Fadnavis) यांची आवर्जून भेट घेतली आहे. या भेटी सत्रामुळे आता पुन्हा सत्यजित तांबेंच्या भाजपा प्रवेशाच्या चर्चा रंगला आहे.
सत्यजित तांबे यांनी ट्वीट करत देवेंद्र फडणवीस यांच्या सोबत भेट घेऊन त्यांना आजोबा स्व.स्वातंत्र्यसेनानी भाऊसाहेब थोरात यांचे आत्मचरित्र त्यांना भेट दिल्याची माहिती दिली आहे.
पहा ट्वीट
उपमुख्यमंत्री देवेंद्रजी फडणवीस यांची सदिच्छा भेट घेतली.
माझे आजोबा स्व.स्वातंत्र्यसेनानी भाऊसाहेब थोरात यांचे आत्मचरित्र त्यांना भेट म्हणून दिले.
त्याचबरोबर जुनी पेन्शन,जलसंपदा विभागातील जागा भरती,सरकारी नोकर भरती,येणाऱ्या अर्थसंकल्पाबाबतच्या अपेक्षा याबाबत सविस्तर चर्चा केली. pic.twitter.com/pV3EfsNvJz
— Satyajeet Tambe (@satyajeettambe) February 28, 2023
मुख्यमंत्री एकनाथ शिंदे साहेबांची सदिच्छा भेट घेतली.
जुनी पेन्शन, सरकारी नोकर भरती, औद्यगिक वसाहतींच्या काही समस्या, क्रिडा विद्यापीठ सारख्या अनेक प्रलंबित प्रश्नांविषयी चर्चा केली, साहेबांनी लवकरच या संदर्भात वेळ देऊन स्वतंत्र बैठक घेण्याचे मान्य केले आहे. @mieknathshinde pic.twitter.com/MknWeOX5Z6
— Satyajeet Tambe (@satyajeettambe) February 28, 2023
दरम्यान सत्यजित तांबे हे मूळचे कॉंग्रेसचे होते पण विधानपरिषद निवडणूकीदरम्यान त्यांनी बंडखोरी केल्याचं सांगत निलंबन झालं आहे. निवडणूकीमध्ये भाजपानेही उमेदवार न देता अप्रत्यक्ष सत्यजित तांबे यांना मदत केली त्यामुळे ही जवळीक पाहता आता तांबे भाजपा मध्ये येणार का? अशी चर्चा रंगत आहे. दरम्यान तांबे मात्र यापूर्वीच आपण अपक्ष राहून काम करणार असल्याचं सांगितलं आहे.नक्की वाचा: Satyajeet Tambe यांचं नवं ट्वीट त्यांच्या कॉंग्रेस मध्ये पुनरागमनाच्या बाळासाहेब थोरातांच्या सूचक संकेतांना उत्तर?
अर्थसंकल्पामध्ये जुन्या पेन्शनचा प्रश्न, तरूणांचा शिक्षण आणि बेरोजगारीचा प्रश्न मार्गी लावण्यासाठी मागणी करणार असल्याचं मीडीयाशी बोलताना सत्यजित तांबे यांनी सांगितलं आहे. 9 मार्चला देवेंद्र फडणवीस अर्थसंकल्प मांडणार आहेत.
(The above story first appeared on LatestLY on Feb 28, 2023 12:18 PM IST. For more news and updates on politics, world, sports, entertainment and lifestyle, log on to our website latestly.com).
