Cyclone | Image Used For Representational Purpose| Photo Credits: Wiki Commons.com

Nisarga Cyclone Helpline Numbers: निसर्ग चक्रीवादळ (Nisarga Cyclone) आज, 3  जून रोजी दुपारी 1  ते 3 च्या दरम्यान रायगड (Raigad) जिल्ह्यातील अलिबाग (Alibaug) येथून जाणार असल्याचा अंदाज हवामान खात्याने वर्तवला आहे. तत्पूर्वी या वादळी वाऱ्यांमुळे मुंबईत सुद्धा मुसळधार पावसाला (Heavy Rains) सुरुवात झाली आहे. दुपारच्या वेळेत सुद्धा पाऊस कायम असण्याची शक्यता आहे. किनारपट्टीलगत भागात आज समुद्राच्या भरतीमुळे परिस्थीती आणखीन बिघडू शकते. नागरिकांंनी बाहेर पडणे टाळावे असे आवाहन करण्यात आले आहे. अगदी अत्यावश्यक कारण असल्यास बाहेर जाण्यासाठी काय काळजी घ्यावी याबाबत मुंंबई महापालिकेच्या (BMC) वतीने सुचनावली जाहीर करण्यात आली आहे.यावेळेत आपत्कालीन परिस्थितीत मदतीसाठी महाराष्ट्र मंत्रालय निरीक्षण कक्ष, बीएमसी आणि महाराष्ट्र काँग्रेसच्या (Maharashtra Congress) वतीने काही हेल्पलाईन क्रमांक देण्यात आले आहेत. यावर संपर्क साधून तुम्ही मदत मिळवू शकाल. निसर्ग चक्रीवादळाचे क्षणोक्षणीचे अपडेट जाणून घेण्यासाठी इथे क्लिक करा.

महाराष्ट्र मंत्रालय निरीक्षण कक्ष हेल्पलाईन क्रमांक

महाराष्ट्र काँग्रेस हेल्पलाईन क्रमांक

बीएमसी हेल्पलाईन क्रमांक

दरम्यान, मुंबईसह कोकण किनारपट्टीला आज निसर्ग चक्रीवादळाचा धोका आहे. काही तासांत हे वादळ धडकत आहे. मुंबई, ठाणे, पालघर, अलिबाग, रत्नागिरी, रायगड या ठिकाणी वादळासाठी प्रशासन सज्ज असून जवळपास एनडीआरएफच्या 20 टीम ठिकठिकाणी तैनात करण्यात आल्या आहेत. यापूर्वीच वादळाच्या पार्श्वभूमीवर खबरदारी म्हणून किनारपट्टीवरील नागरिकांचं स्थलांतरण करण्यात आले आहे.