Nashik Simhastha Kumbh Mela: कुंभमेळ्यादरम्यान नाशिक-त्र्यंबकेश्वर प्रवास सुरळीत करण्यासाठी प्रशासनाची तयारी; रस्ते विकासासाठी 2,270 कोटी रुपयांची तरतूद
प्रयागराज कुंभमेळ्याच्या धर्तीवर नाशिक-त्र्यंबकेश्वर कुंभमेळ्यात कोट्यवधी भाविक सहभागी होतील असा अंदाज आहे. त्यामुळे प्रशासनाने नियोजनात मोठे बदल केले आहेत. रस्ते, पूल आणि घाट यासारख्या कामांना बराच वेळ लागत असल्याने ही कामे तातडीने सुरू करण्याचे नियोजन करण्यात आले आहे.
उत्तर प्रदेशातील प्रयागराज येथील महाकुंभाच्या यशानंतर, महाराष्ट्र सरकारने 2027 मध्ये होणाऱ्या नाशिक-त्र्यंबकेश्वर सिंहस्थ कुंभाला (Simhastha Kumbh Mela) भव्य आणि दिव्य करण्यासाठी तयारी सुरू केली आहे. कुंभमेळ्यादरम्यान भाविकांना विविध मंदिरे, तीर्थक्षेत्रे, सांस्कृतिक वारसा स्थळांना भेट देता यावी यासाठी एक मोठे कन्व्हेन्शन सेंटर बांधण्यासाठी तात्काळ काम सुरू करण्यास सांगण्यात आले. नाशिकला जागतिक स्तरावर आणण्यासाठी आणि अर्थव्यवस्थेला चालना देण्यासाठी कुंभमेळ्याचे ब्रँडिंग करणे, प्रयागराज कुंभाच्या धर्तीवर सुरक्षित आणि सुव्यवस्थित कुंभ कार्यक्रमाचे नियोजन करणे आणि गोदावरी नदीकाठच्या विकासाला प्रोत्साहन देणे यावरही भर देण्यात येत आहे.
येत्या सिंहस्थ कुंभमेळ्यात देशभरातून येणाऱ्या भाविकांसाठी नाशिक-त्र्यंबकेश्वर प्रवास सुरळीत करण्यासाठी प्रशासनाने तयारी सुरू केली आहे. नाशिक-त्र्यंबकेश्वर रस्त्याचे सहा पदरीकरण, त्याचे काँक्रिटीकरण, नाशिक-दिंडोरी-वणी रस्त्यासह इतर राज्य रस्ते मजबूत करणे आणि शहराभोवती वर्तुळाकार रस्त्यांचे जाळे विणण्यासाठी राज्याच्या अर्थसंकल्पात 2227 कोटी रुपयांची तरतूद करण्यात आली आहे.
प्रयागराज कुंभमेळ्याच्या धर्तीवर नाशिक-त्र्यंबकेश्वर कुंभमेळ्यात कोट्यवधी भाविक सहभागी होतील असा अंदाज आहे. त्यामुळे प्रशासनाने नियोजनात मोठे बदल केले आहेत. रस्ते, पूल आणि घाट यासारख्या कामांना बराच वेळ लागत असल्याने ही कामे तातडीने सुरू करण्याचे नियोजन करण्यात आले आहे, असे विभागीय आयुक्त डॉ. प्रवीण गेडाम यांनी सांगितले. या रस्त्यांमुळे भाविकांचा प्रवास सोपा होईल आणि शहरातील वाहतूक कोंडी टाळण्यासही मदत होईल, अशी योजना प्रशासनाने आखली आहे. (हेही वाचा: Nashik Kumbh Mela 2027 Dates: प्रयागराज महाकुंभानंतर नाशिक येथे 2027 मध्ये होणार पुढील कुंभमेळा; महाराष्ट्र सरकारने सुरु केली तयारी, जाणून घ्या तारखा)
रस्ते विकास योजना:
नाशिक-त्र्यंबकेश्वर सहा पदरी: हा 30 किलोमीटरचा रस्ता सहा पदरी आणि काँक्रिटीकरणाचा असेल. या कामासाठी 350 कोटी रुपये मंजूर झाले आहेत.
दिंडोरी-वणी-नांदुरी रस्त्याचे रुंदीकरण: या रस्त्याच्या रुंदीकरणासाठी 100 कोटी रुपये मंजूर करण्यात आले आहेत.
इतर महत्त्वाचे रस्ते: जानोरी विमानतळ ते राष्ट्रीय महामार्ग (50 कोटी), पेठ-हरसुल-त्र्यंबकेश्वर-पहिणे (205 कोटी), त्र्यंबकेश्वर-धोंडेगाव-उमराळे-दिंडोरी-पालखेड-पिंपळगाव (215 कोटी) असे 91 किलोमीटरचे रस्ते मजबूत केले जातील.
(The above story first appeared on LatestLY on Mar 14, 2025 03:24 PM IST. For more news and updates on politics, world, sports, entertainment and lifestyle, log on to our website latestly.com).
