मराठी पाटी न लावल्याने ठाण्यात MG Motors च्या शोरूमला मनसे कडून लावण्यात आलं काळं!

महाराष्ट्रात दुकानावर पाट्या मराठी भाषेतच असाव्यात असा न्यायालयानेही निकाल दिल्यानंतर आता मुदत उलटल्यावर मनसे (MNS)  आक्रमक झाली आहे. 25 नोव्हेंबर ही पाट्या मराठीत लावण्याची अंतिम तारीख होती. अंधेरी पश्चिम मध्ये मनसे उपविभाग अध्यक्ष किशोर राणे आणि त्यांच्या सहकाऱ्यांनी अंधेरी मार्केट मधील दुकानदारांना मराठी भाषेत फलक लावण्याचे आदेश दिले आहेत तर ठाण्यात मराठी पाटी नसलेल्या शोरूमला मनसेने काळे फासले आहे. ठाण्यात मनसेने एमजी मोटर्स (MG Motors) शोरुमला काळे फसले आहे.

दरम्यान मंत्री दीपक केसरकर यांनी दुकानांना मराठी पाट्या असणे आवश्यक असल्याचं म्हटलं आहे. कोर्टाने मुदत देऊनही जे मराठीत पाट्या लावणार नाहीत त्यांच्यावर कारवाई केली जाईल असं ते म्हणाले आहेत. तर मनसेच्या आंदोलनावर बोलताना त्यांनी जे काळं फासतील त्यांच्याविरोधात केस दाखल करण्यात येईल. असेही स्पष्ट केले आहे. MNS On Marathi Signboards on shops: 'मराठी पाट्या लावा अन्यथा..खळखट्याक' मनसे कार्यकर्त्यांचा बॅनरद्वारे मुंबईतील दुकानदारांना इशारा .

मनसेचा इशारा

महाराष्ट्रातील सर्व दुकानांवरील पाट्या मराठीतच हव्यात... सर्वोच्च न्यायालयाचे आदेश... शेवटचा १ दिवस बाकी !

कायदा हातात घेतात म्हणून महाराष्ट्र सैनिकांना केसेस टाकून छळलंत पण कायदा धाब्यावर बसविणाऱ्या ह्या महाराष्ट्रद्वेष्ट्यांवर काय कारवाई होते ते आता आम्ही पाहणार... त्यामुळे… pic.twitter.com/1B9Gd7Fm4i

— MNS Adhikrut - मनसे अधिकृत (@mnsadhikrut) November 24, 2023

मुंबई उच्च न्यायालयाच्या दुकानावरील पाट्या मराठीत करण्याच्या निर्णयाला विरोध करत काही व्यापारी, व्यावसायिक सर्वोच्च न्यायालयामध्ये गेले होते. तेव्हा त्यांनी कोर्ट कचेरीत पैसा खर्च करण्यापेक्षा मराठी पाट्यांसाठी पैसे खर्च करा असं म्हणत कानउघडणी केली आहे. प्रादेशिक भाषेत पाट्या असाव्यात या निर्णयाला सर्वोच्च न्यायालयानेही पाठिंबा दिला आहे. यावेळी त्यांनी दुकानदारांना पाट्या लावण्यासाठी मुदतही दिली होती.

(The above story first appeared on LatestLY on Nov 26, 2023 02:28 PM IST. For more news and updates on politics, world, sports, entertainment and lifestyle, log on to our website latestly.com).