Maharashtra Weather Forecast: पुणे, सातारा, नाशिक जिल्ह्यांमध्ये मेघगर्जनेसह पावसाचा अंदाज- IMD
पुणे, नाशिक, सातारा जिल्ह्यांमध्ये अवकाळी पावसाचा इशारा देण्यात आला आहे. या जिल्ह्यांमध्ये विजेचा कडकडाट आणि ढगांच्या गडगडाटासह पर्जन्यवृष्टी होण्याचा अंदाज मुंबई हवामान विभागाचे उपमहासंचालक (Dy Director General of Meteorology) के.एस.होसाळीकर (K S Hosalikar) यांनी वर्तवला आहे.
राज्यात गेल्या काही दिवासांपासून अवकाळी पाऊस होत आहे. कोल्हापूर, साताऱ्यात अवकाळी पावसासह गारपीट झाली होती. त्यानंतर आता पुणे (Pune), नाशिक (Nashik), सातारा (Satara) जिल्ह्यांमध्ये अवकाळी पावसाचा इशारा देण्यात आला आहे. या जिल्ह्यांमध्ये विजेचा कडकडाट आणि ढगांच्या गडगडाटासह पर्जन्यवृष्टी होण्याचा अंदाज मुंबई हवामान विभागाचे उपमहासंचालक (Dy Director General of Meteorology) के.एस.होसाळीकर (K S Hosalikar) यांनी वर्तवला आहे. ट्विटच्या माध्यमातून त्यांनी ही माहिती दिली असून शेतकऱ्यांसह नागरिकांना देखील काळजी घेण्याचे आवाहन केले आहे.
हवामान खात्याच्या अंदाजानुसार, नाशिकच्या सटाणा तालुक्यातील अनेक भागांत अवकाळी पावसाने हजेरी लावली आहे. त्याचबरोबर पिंपरी-चिंचवड शहरातही अनेक ठिकाणी वादळी वाऱ्यासह गारपीट देखील सुरुवात झाली आहे.
K S Hosalikar Tweet:
16.50 hrs
One can observe how convective clouds developing in madhya Mah, ghat areas and adjoining...
Pune Satara 🌩☁🌧🌧
Please chk for nowcast warnings issued by IMD Mumbai and Goa offic pic.twitter.com/sE0WXDOnrl
— K S Hosalikar (@Hosalikar_KS) April 27, 2021
कोल्हापूरमध्ये कालपासून अवकाळी पावसाला सुरुवात झाली असून आजही पावसाने हजेरी लावली आहे. कागल, चंदगड आणि भुदरगड तालुक्यातील गारपीट देखील झाली. राज्यात होणाऱ्या अवकाळी पावसामुळे शेतमालाचे नुकसान होत असून नाशिकमध्ये कांद्याचे मोठे नुकसान झाले आहे. दरम्यान, यापूर्वी मार्च महिन्यात देखील अवकाळी पावसाने राज्यातील काही भागांमध्ये हजेरी लावली होती.
(The above story first appeared on LatestLY on Apr 27, 2021 07:27 PM IST. For more news and updates on politics, world, sports, entertainment and lifestyle, log on to our website latestly.com).
