Mumbai Fire: नागपाडा परिसरातील Quarantine साठी वापर होणाऱ्या Rippon Hotel मध्ये आग; Coronavirus रुग्णांना सुखरूप बाहेर काढले
दक्षिण मुंबईच्या नागपाडा (Nagpada) येथील रिपन हॉटेल (Rippon Hotel) मध्ये आग लागल्याची माहिती मिळत आहे. ही आग हॉटेलच्या लॉजिंग रूममध्ये लागली जिथे कोरोना व्हायरस संबंधीच्या पेशंट्सना वेगळे ठेवण्यात आले होते.
दक्षिण मुंबईच्या नागपाडा (Nagpada) परिसरातील बेलासिस रोडवरील रिपन हॉटेल (Rippon Hotel) मध्ये आग लागल्याची माहिती मिळत आहे. ही आग हॉटेलच्या लॉजिंग रूममध्ये लागली जिथे कोरोना व्हायरस संबंधीच्या पेशंट्सना वेगळे ठेवण्यात आले होते. आगीवर नियंत्रण मिळविण्यासाठी अग्निशामक दलाच्या दोन गाड्या घटनास्थळी दाखल झाल्या असून आग विझवण्याचे काम सुरु आहे. सध्या तरी या आगीला हॉटेलच्या लॉजिंग रूमपुरतेच मर्यादित ठेवण्यात यश आले आहे. या ठिकाणच्या बहुतेक रूग्णांना सुखरूप बाहेर काढण्यात आले असून, हरवलेल्या व्यक्तींसाठी शोध मोहीम सुरू आहे.
एएनआय ट्विट -
Level-II fire breaks out at Rippon Hotel on Bellasis Road in Nagpada. Fire fighting operation on. Fire confined in the hotel's lodging room, which was being used as a quarantine center for #COVID19 patients. Most of the patients rescued, search operation on: #Mumbai Fire Brigade https://t.co/nxluWT1WPY pic.twitter.com/6Mn4Bi9GuO
— ANI (@ANI) April 21, 2020
या आगीमध्ये कोणीही जखमी झाल्याची माहिती मिळू शकली नाही, तसेच ही आग नक्की कशामुळे लागली हेही समजू शकले नाही. या प्रकरणाचे गांभीर्य पाहता डॉक्टरांच्या पथकालाही घटनास्थळी पाचारण करण्यात आले आहे. या ठिकाणाहून आग आटोक्यात आणून, 25 रुग्ण आणि 2 कर्मचार्यांसह एकूण 27 जणांची सुटका करण्यात आली आहे. सध्या कूलिंग ऑपरेशन चालू आहे.
मुंबई महानगर पालिकेच्या महापौर Kishori Pednekar यांचा स्वतःहून क्वारंटाईनमध्ये राहण्याचा निर्णय - Watch Video
दरम्यान, राज्यातील कोरोना बाधितांच्या वाढत्या घटन पाहता लॉक डाऊन कडक करण्यात आला आहे. या पार्श्वभूमीवर मुख्यमंत्री उद्धव ठाकरे यांनी राज्यासाठी लॉक डाऊनमध्ये आणलेली शिथिलता मुंबई महानगर क्षेत्र आणि पुणे महानगर क्षेत्रासाठी रद्द करण्याचा निर्णय घेतला आहे. लॉकडाऊनचे काटेकोरपणे पालन व्हावे यासाठी प्रशासनाला तसे निर्देश देण्यात आले आहेत.
(The above story first appeared on LatestLY on Apr 21, 2020 07:49 PM IST. For more news and updates on politics, world, sports, entertainment and lifestyle, log on to our website latestly.com).
