Chhatrapati Sambhajinagar Car Accident: छत्रपती संभाजीनगरमध्ये मंदिराबाहेर भरधाव कारने भाविकांना चिरडले, पहा व्हिडिओ
छत्रपती संभाजीनगरच्या सिडको परिसरात असलेल्या कला मंदिराच्या प्रवेशद्वारावर हा अपघात झाला. मंदिरात जाण्यासाठी मोठ्या संख्येने भाविक प्रवेशद्वारावर उभे होते. यावेळी अचानक एक भरधाव कार तेथे आली. या कारने मंदिराच्या प्रवेशद्वारावर उभ्या असलेल्या भाविकांना चिरडले.
Chhatrapati Sambhajinagar Car Accident: छत्रपती संभाजीनगर (Chhatrapati Sambhajinagar) मध्ये एक दुर्दैवी अपघात (Accident) घडला आहे. येथे एका भरधाव कारने मंदिराबाहेर उभ्या असलेल्या भाविकांना चिरडले. या दरम्यान अनेक भाविक कारखाली येऊन गंभीर जखमी झाले. घटनेनंतर लगेचच मंदिराबाहेर लोकांची गर्दी जमली. पोलिसांना याची माहिती देण्यात आली. यानंतर सर्व जखमी भाविकांना जवळच्या रुग्णालयात दाखल करण्यात आले. यानंतर एक सीसीटीव्ही फुटेज समोर आले आहे, जे सोशल मीडियावर व्हायरल होत आहे.
प्राप्त माहितीनुसार, छत्रपती संभाजीनगरच्या सिडको परिसरात असलेल्या कला मंदिराच्या प्रवेशद्वारावर हा अपघात झाला. मंदिरात जाण्यासाठी मोठ्या संख्येने भाविक प्रवेशद्वारावर उभे होते. यावेळी अचानक एक भरधाव कार तेथे आली. या कारने मंदिराच्या प्रवेशद्वारावर उभ्या असलेल्या भाविकांना चिरडले. या अपघातात अनेक लोक गंभीर जखमी झाले आहेत. (हेही वाचा - Wall Collapse In Airoli: ऐरोलीमध्ये निवासी इमारतीची सीमा भिंत कोसळली, कोणतीही जीवितहानी नाही; पहा व्हिडिओ)
Maharashtra: A speeding car rammed into devotees at the entrance of Kala Mandir in Chhatrapati Sambhajinagar’s CIDCO area. Several people were seriously injured, and the temple stairs and railing were damaged. The incident was captured on CCTV footage pic.twitter.com/ok5J0m2DSZ
— IANS (@ians_india) July 4, 2025
याशिवाय कारच्या धडकेमुळे मंदिराच्या पायऱ्या आणि रेलिंग तुटल्या आहेत. ही संपूर्ण घटना मंदिराबाहेर लावलेल्या सीसीटीव्ही कॅमेऱ्यात कैद झाली आहे. सध्या या अपघाताचा व्हिडिओ सोशल मीडियावर व्हायरल होत आहे. दरम्यान, दुसऱ्या एका घटनेत मंगळवारी शहरात एका भीषण रस्ता अपघात झाला. येथे अचानक एक कार दुभाजकाला धडकली. या अपघातात 3 जणांचा जागीच मृत्यू झाला. छत्रपती संभाजीनगर-जळगाव महामार्गाजवळील फुलंब्री तहसीलमधील बिल्डा गावात हा अपघात घडला.
(The above story first appeared on LatestLY on Jul 04, 2025 03:58 PM IST. For more news and updates on politics, world, sports, entertainment and lifestyle, log on to our website latestly.com).
