मुख्यमंत्री उद्धव ठाकरे यांच्याकडून इन्स्टाग्रामवरील विजयदुर्गच्या पडझडीच्या पोस्टची दखल; पुरातत्त्व खात्याला दिले निर्देश

मुख्यमंत्री उद्धव ठाकरे (CM Uddhav Thackeray) यांनी आज विजयदुर्ग किल्ल्याच्या (Vijaydurg Fort) पडझडीचे वृत्त इन्स्टाग्रामवर (Instagram) टिपले आणि केंद्रातील भारतीय पुरातत्व खात्याला किल्ल्याच्या डागडुजी आणि देखभालीसाठी पावले उचलण्यासंदर्भात पाठपुरावा करण्याच्या सूचना सांस्कृतिक कार्य विभागाच्या प्रधान सचिवांना दिल्या आहेत.

मुख्यमंत्री उद्धव ठाकरे हे प्रसिद्ध छायाचित्रकार आहेत. त्यांनी चित्रित केलेल्या छायाचित्रांचा ‘महाराष्ट्र देशा’ हा संग्रह वैशिष्ट्यपूर्ण ठरला आहे. याशिवाय त्यांचे महाराष्ट्रातील गडकोट किल्ल्यांवर विशेष प्रेम आहे. या प्रेमातून ते दुर्गप्रेमी संघटनेचेदेखील प्रणेते ठरले आहेत. छायाचित्रकार असल्यामुळे इन्स्टाग्राम या छायाचित्रांशी निगडीत समाज माध्यमावरील त्यातही गडकोट किल्ले आणि महाराष्ट्रातील ऐतिहासिक स्थळांच्या घडामोडींबाबत ते सजग असतात. यातून मुख्यमंत्र्यांनी आज इन्स्टाग्रामवर विजयदुर्ग या सिंधुदुर्ग जिल्ह्यातील जलदुर्गाचा एका बुरुजाची पडझड झाल्याचे लक्षात आले. (हेही वाचा - शहरी भागातील कोरोना ग्रामीण भागात पसरू देऊ नका; मुख्यमंत्री उद्धव ठाकरे यांचे नागरिकांना आवाहन)

#Instagram वरील #विजयदुर्ग किल्ल्याच्या पडझडीच्या वृत्ताची मुख्यमंत्री उद्धव ठाकरे यांनी घेतली दखल. केंद्रातील @ASIGoI कडे किल्ल्याच्या डागडुजी व देखभालीसाठी पावले उचलण्यासंदर्भात पाठपुरावा करण्याच्या सांस्कृतिक कार्य विभागाच्या प्रधान सचिवांना दिल्या सूचना. pic.twitter.com/GvFocFKlt7

— MAHARASHTRA DGIPR (@MahaDGIPR) July 18, 2020

उद्धव ठाकरे यांनी या पोस्टची तत्काळ दखल घेतली आणि भारतीय पुरातत्त्व खात्याला याबाबत माहिती कळविली. तसेच पडझड रोखण्यासाठी आणि या दुर्गाच्या देखभालीबाबतही केंद्राकडील या खात्याकडे पाठपुरावा करण्यासाठी सांस्कृतिक कार्य विभागाचे प्रधान सचिव यांना त्यांनी सूचना दिल्या.

(The above story first appeared on LatestLY on Jul 18, 2020 11:29 PM IST. For more news and updates on politics, world, sports, entertainment and lifestyle, log on to our website latestly.com).