Lockdown: लॉकडाऊन च्या पार्श्वभूमीवर सोशल मीडियावर खोटी माहिती पसरविणाऱ्याविरुद्ध 366 गुन्हे दाखल तर 198 जणांना अटक

Lockdown: लॉकडाऊन च्या पार्श्वभूमीवर सोशल मीडियावर खोटी माहिती पसरविणाऱ्याविरुद्ध 366 गुन्ह्यांची नोंद करण्यात आली असून आतापर्यंत 198 जणांना अटक करण्यात आली आहे. यात आक्षेपार्ह WhatsApp मेसेजेस फॉरवर्ड प्रकरणी 155 गुन्हे, फेसबुक (Facebook) पोस्ट्स शेअर प्रकरणी 143, टिकटॉत (Tiktok) व्हिडिओ शेअर प्रकरणी 16 आणि ट्विटर (Twitter) द्वारे आक्षेपार्ह ट्विट प्रकरणी 6, इन्स्टाग्राम (Instagram) द्वारे चुकीच्या पोस्ट प्रकरणी 4, तर अन्य सोशल मीडियाच्या गैरवापरा प्रकरणी 42 गुन्हे दाखल करण्यात आले आहेत. यापैकी 102 आक्षेपार्ह पोस्ट्स काढून टाकण्यात सायबर विभागाला यश आलं आहे.

दरम्यान, आतापर्यंत नोंद करण्यात आलेल्या गुन्ह्यांमध्ये बीड 35, पुणे 29, जळगाव 26, मुंबई 21, कोल्हापूर 16, नाशिक 15, सांगली 14, ठाणे शहर 13, बुलढाणा 12, जालना 12, नाशिक शहर 11, सातारा 10, पालघर 10, लातूर 10, नांदेड 10, परभणी 8, नवी मुंबई 8, सिंधुदुर्ग 7, अमरावती 7, ठाणे 7, नागपूर शहरातील 7 प्रकरणांचा समावेश आहे. (हेही वाचा - महाराष्ट्र: स्थलांतरित कामगारांना मुंबई येथून पश्चिम बंगालला जाण्यासाठी 7 रेल्वे गाड्यांना ममता बॅनर्जी यांनी परवानगी द्यावी- विरोधी पक्षनेते देवेंद्र फडणवीस)

#Lockdown च्या पार्श्वभूमीवर काही गुन्हेगार व समाजकंटकांकडून गैरफायदा घेण्याचा प्रयत्न. या पार्श्वभूमीवर समाज माध्यमांमध्ये खोटी माहिती पसरविणाऱ्याविरुद्ध @MahaCyber1 ने दाखल केले ३६६ गुन्हे, १९८ जणांना अटक. चंद्रपूर मध्ये नवीन गुन्ह्याची नोंद. pic.twitter.com/8lOYeNwo9S

— MAHARASHTRA DGIPR (@MahaDGIPR) May 10, 2020

देशात तसेच राज्यात कोरोना व्हायरसने थैमान घातले आहे. याच पार्श्वभूमीवर आतापर्यंत देशात तीनवेळा लॉकडाऊनचा कालावधी वाढवण्यात आला आहे. परंतु, या कालावधीत अनेक गुन्हेगार व समाजकंटकांकडून गैरफायदा घेण्याचा प्रयत्न करण्यात येत आहे. सोशल मीडियावर अनेकांनी आक्षेपार्ह पोस्ट शेअर करून अफवा पसरवल्या आहेत. या प्रकरणी पोलिसांनी 198 जणांना अटक केली आहे.

(The above story first appeared on LatestLY on May 10, 2020 05:49 PM IST. For more news and updates on politics, world, sports, entertainment and lifestyle, log on to our website latestly.com).