Coronavirus Update: तुमच्या जिल्ह्यात किती कोरोना रुग्ण? महाराष्ट्रातील कोरोनाबाधितांची जिल्हानिहाय आकडेवारी जाणुन घ्या

Coronavirus In Maharashtra: महाराष्ट्रात काल च्या दिवसभरात 5318 नवीन कोरोना रुग्णांचे निदान झाले असून सध्या राज्यात 67 हजार 600 रुग्णांवर (ॲक्टिव्ह) उपचार सुरू आहेत. यानुसार सध्या राज्यातील कोरोनाबाधितांचा आकडा हा 1 लाख 59 हजार 133 इतका आहे. कालच्या दिवसभरात 4430 रुग्णांना घरी सोडण्यात आले असून आजवरची एकूण डिस्चार्ज देण्यात आलेल्या रुग्णांची संख्या 84 हजार 245 आहे. राज्यातील रुग्ण बरे होण्याचे प्रमाण (Recovery Rate) 52.94 टक्के एवढे आहे. तर आजवरच्या 7  हजाराहून अधिक मृत्यूंसाहित राज्यातील मृत्यूदर 4.57 टक्के एवढा आहे. याबाबत आरोग्य मंत्री राजेश टोपे यांनी माहिती दिली आहे. मुंबई- पुणे सह आता कल्याण डोंबिवली, ठाणे, कोकण या भागात सुद्धा कोरोना रुग्ण झपाट्याने वाढत आहेत. महाराष्ट्रातले सर्व जिल्ह्यात कोरोनाचे बाधित, मृत आणि बरे झालेले नेमके किती रुग्ण आहेत हे जाणून घेण्यासाठी खाली दिलेला तक्ता तपासून पहा.कोरोनाचे देशभरातील अपडेट्स एका क्लिक वर जाणुन घेण्यासाठी इथे क्लिक करा.

महाराष्ट्रातील कोरोनाबाधितांची जिल्हानिहाय आकडेवारी

दरम्यान, राज्यात आजपर्यंत 8 लाख 96 हजार 874 कोरोना चाचण्या झाल्या आहेत, यापैकी 1,59,133 चाचण्या पॉझिटिव्ह आल्या आहेत. हे प्रमाण अवघे 17 टक्के असल्याने परिस्थिती अजूनही हातात असल्याचा विश्वास सरकारी व वैद्यकीय यंत्रणांकडून व्यक्त करण्यात येतोय.

देशातील कोरोनाबाधितांच्या संख्येने काल 5 लाखाचा टप्पा ओलांडला होता. देशात आज घडीला सुद्धा महाराष्ट्रात सर्वाधिक कोरोनाबाधित आहेत.

(The above story first appeared on LatestLY on Jun 28, 2020 09:47 AM IST. For more news and updates on politics, world, sports, entertainment and lifestyle, log on to our website latestly.com).