Brain Damage due to Covid-19: गर्भातील मुलांसाठी कोरोनाचा मोठा धोका; आईने दिला Brain Damage झालेल्या बाळाला जन्म
मियामी विद्यापीठातील बालरोगशास्त्राचे सहायक प्राध्यापक, नवजात तज्ज्ञ डॉ. मर्लिन बेनी यांनी ब्रीफिंगमध्ये सांगितले की, या दोन्ही मुलांना SARS-CoV-2 विषाणूची लागण झाली नाही, परंतु त्यांच्या रक्तात कोविड अँटीबॉडीज आहेत.
संशोधक सुरुवातीपासूनच कोरोना विषाणूच्या (Coronavirus) संसर्गाच्या नकारात्मक परिणामांबाबत दावे करत आहेत. आता हळुहळु त्यांचे म्हणणे खरे ठरत आहे. यूएसमधील मियामी विद्यापीठातील संशोधकांनी गुरुवारी सांगितले की, दोन महिलांनी SARS-CoV-2 विषाणूमुळे मेंदूला इजा पोहोचलेल्या दोन बाळांना जन्म दिला आहे. कोरोनामुळे लहान मुलांच्या मेंदूला इजा होण्याची ही पहिलीच घटना आहे. माहिती देताना, संशोधकांनी सांगितले की SARS-COV-2 विषाणूने महिलांच्या गर्भात वाढत असलेल्या बाळांच्या मेंदूला हानी पोहोचवली आहे.
साधारण 2020 मध्ये महामारीच्या डेल्टा लाटेच्या काळात बाळांच्या मातांना कोरोनाची लागण झाली होती आणि त्यावेळी कोरोनाची लस उपलब्ध नव्हती, असेही सांगण्यात आले.
संशोधकांच्या मते, सायटोमेगॅलोव्हायरस, रुबेला, एचआयव्ही आणि झिका यासह अनेक विषाणू प्लेसेंटा ओलांडण्यास आणि गर्भाच्या आतील बाळाच्या मेंदूला हानी पोहोचवण्यास सक्षम असल्याचे दिसून आले आहे. आता अशा प्रकरणात, SARS-CoV-2 विषाणूदेखील मेंदूमधील ऊतींमध्ये आढळून आला आहे. यामुळे काही तज्ञांना शंका आहे की, हा विषाणू गर्भाच्या मेंदूच्या ऊतींना देखील नुकसान पोहोचवू शकतो. (हेही वाचा: Vaccines for Cancer And Heart Disease: कर्करोग आणि हृदयविकारावर दशकाच्या अखेरापर्यंत लस येणार)
मियामी विद्यापीठातील स्त्रीरोगशास्त्राचे अध्यक्ष डॉ. मायकेल पेडस यांनी ब्रीफिंगमध्ये सांगितले की, ‘आम्ही प्रथमच गर्भाच्या अवयवामध्ये ट्रान्सप्लेसेंटल मार्गाने विषाणूचे प्रात्यक्षिक दाखवले. यातील दोन बाळांपैकी एकाचा 13 महिन्यांच्या वयात मृत्यू झाला आणि दुसरा डॉक्टरांच्या देखरेखीखाली आहे.
मियामी विद्यापीठातील बालरोगशास्त्राचे सहायक प्राध्यापक, नवजात तज्ज्ञ डॉ. मर्लिन बेनी यांनी ब्रीफिंगमध्ये सांगितले की, या दोन्ही मुलांना SARS-CoV-2 विषाणूची लागण झाली नाही, परंतु त्यांच्या रक्तात कोविड अँटीबॉडीज आहेत. संशोधकांनी सांगितले की यावरून असे सूचित होते की संसर्ग गर्भवती महिलांच्या नाळेमध्ये आणि नंतर मुलांमध्ये प्रवेश करू शकतो. त्यामुळे मुलांच्या मेंदूलाही इजा होऊ शकते. अशी प्रकरणे दुर्मिळ असल्याचे तज्ज्ञांचे मत आहे.
(The above story first appeared on LatestLY on Apr 09, 2023 03:07 PM IST. For more news and updates on politics, world, sports, entertainment and lifestyle, log on to our website latestly.com).
