Teacher's Day 2022: शिक्षक दिन कधी आहे? हा दिवस का साजरा केला जातो? त्यामागचा इतिहास काय आहे? वाचा सविस्तर
भारतात दरवर्षी 5 सप्टेंबर रोजी शिक्षक दिन साजरा केला जातो. या दिवशी शाळांमध्ये अनेक कार्यक्रम आयोजित केले जातात आणि शिक्षक दिन साजरा केला जातो.
Teacher's Day 2022: प्रत्येक दिवसाचे स्वतःचे महत्त्व असते आणि प्रत्येक दिवसामागे एक इतिहास दडलेला असतो. त्याचप्रमाणे प्रत्येक विद्यार्थी आणि शिक्षक यांच्यासाठी 5 सप्टेंबर हा दिवसही खूप महत्त्वाचा आहे. वास्तविक प्रत्येकाची प्रगती करण्यात, जीवन यशस्वी करण्यात गुरूचा हातखंडा आहे. शिक्षक आपल्या विद्यार्थ्यांना योग्य मार्ग दाखवतो. योग्य ज्ञान देतो आणि मार्गदर्शनही करतो. त्यामुळे मुलांच्या जीवनात शिक्षकांना अनन्यसाधारण महत्त्व आहे. अशा परिस्थितीत दरवर्षी 5 सप्टेंबरला शिक्षक दिन साजरा केला जातो. या दिवशी मुले शाळांमध्ये शिक्षकांची भूमिका बजावून शाळा चालवतात. पण तुम्हाला माहित आहे का शिक्षक दिन फक्त 5 सप्टेंबरलाच का साजरा केला जातो? या दिवसाचा इतिहास काय आहे? चला तर मग या दिवसाबद्दल जाणून घेऊयात...
भारतात शिक्षक दिन कधी साजरा केला जातो?
UNESCO ने 1994 मध्ये 5 ऑक्टोबर रोजी शिक्षक दिन साजरा करण्याची घोषणा केली होती. भारतात दरवर्षी 5 सप्टेंबर रोजी शिक्षक दिन साजरा केला जातो. या दिवशी शाळांमध्ये अनेक कार्यक्रम आयोजित केले जातात आणि शिक्षक दिन साजरा केला जातो. डॉ. सर्वपल्ली राधाकृष्णन यांच्या वाढदिवसानिमित्त (5 सप्टेंबर) साजरा केला जातो. डॉ. सर्वपल्ली हे भारताचे पहिले उपराष्ट्रपती आणि दुसरे राष्ट्रपती देखील होते.
शिक्षक दिन साजरा करण्यामागचा इतिहास -
तुम्हाला कदाचित माहित असेल की, डॉ. सर्वपल्ली राधाकृष्णन यांच्या जन्मदिनी 5 सप्टेंबर रोजी शिक्षक दिन साजरा केला जातो. पण त्यामागे एक रंजक कथा आहे हे तुम्हाला माहीत नसेल. एकदा विद्यार्थ्यांनी डॉ. सर्वपल्ली राधाकृष्णन यांना त्यांचा वाढदिवस आयोजित करण्यास सांगितले. यावर सर्वपल्ली राधाकृष्णन यांनी उत्तर दिले की, तुम्हाला माझा वाढदिवस साजरा करायचा आहे ही चांगली गोष्ट आहे. परंतु शिक्षकांनी शैक्षणिक क्षेत्रात दिलेल्या योगदानाचा आणि समर्पणाचा गौरव करून हा दिवस साजरा केला तर मला सर्वाधिक आनंद होईल. याचाच सन्मान करून दरवर्षी 5 सप्टेंबरला शिक्षक दिन साजरा केला जातो.
(The above story first appeared on LatestLY on Aug 31, 2022 02:23 PM IST. For more news and updates on politics, world, sports, entertainment and lifestyle, log on to our website latestly.com).
