Pandharpur Vitthal Rukmini Live Darshan: आषाढी एकादशी दिवशी विठ्ठल रूक्मिणीचं दर्शन घरबसल्या टीव्ही, ऑनलाईन माध्यमातून असे घेऊ शकाल!
आज विठ्ठल रूक्मिणी मंदिराच्या अधिकृत वेबसाईट प्रमाणेच अॅप आनि दूरदर्शनच्या सह्याद्री चॅनलवर देखील दर्शनाची सोय खुली करण्यात आली आहे.
Ashadi Ekadashi 2020 Vitthal Rukmini Live Darshan: महाराष्ट्रात आज कोरोना संकटाच्या पार्श्वभूमीवर वाढती रूग्णसंख्य पाहता धार्मिक स्ठळं बंद असल्याने यंदा आषाढी एकादशी दिवशी विठ्ठल रूक्मिणीचं भाविकांना, वारकर्यांना दर्शन घेणं शक्य नाही. परंतु, भाविकांना आता घरबसल्या श्री विठ्ठल-रुक्मिणी चे ऑनलाईन दर्शन (Online Darshan) घेता येणार आहे. तसेच दूदर्शनच्या सह्याद्री वाहिनीवर देखील विठ्ठल रूक्मिणीची पुजा आणि देवळातील आजची पूजा पाहता येणार आहे. सकाळी 9 ते 11 दरम्यान हा सोहळा पाहता येईल. Ashadhi Ekadashi 2020 Images: आषाढी एकादशी निमित्त Wishes, HD Wallpaper, Whatsapp Status च्या माध्यमातून साजरा करा विठुरायाचा उत्सव!
कोरोना विषाणू प्रादुर्भावामुळे श्री विठ्ठल-रुक्मिणीचे मंदिर दर्शनासाठी बंद असून या काळात श्री विठ्ठल-रुक्मिणीचे सर्व नित्योपोचार नित्य नियमाने सुरु आहेत. मंदिर बंद असल्याने भाविकांना घरबसल्या दर्शन घेता यावे यासाठी श्री विठ्ठल- रुक्मिणीच्या दर्शनाची आता ऑनलाईन थेट सुविधा भाविकांना उपलब्ध करून देण्याचा निर्णय मंदिर समितीने घेतला आहे. (हेही वाचा - Ashadhi Ekadashi 2020 Date: आषाढी एकादशी यंदा 1 जुलै दिवशी; जाणून घ्या व्रत, मुहूर्त वेळ आणि चातुर्मासाचा काळ)
अशी माहिती श्री विठ्ठल-रुक्मिणी मंदिर समितीचे कार्यकारी अधिकारी विठ्ठल जोशी यांनी दिली.
— DIVISIONAL INFORMATION OFFICE, PUNE (@InfoDivPune) June 17, 2020
श्री विठ्ठल-रुक्मिणीचे असे होणार ऑनलाईन थेट दर्शन
• संकेतस्थळ- http://www.vitthalrukminimandir.org
• गुगल प्ले स्टोअरवरील ॲप- shreevitthalrukmnilive Darshan
• जिओ टीव्ही- जिओ दर्शन
• टाटा स्काय- ॲक्टिव्ह चॅनेल
चमत्कार! नदीतून वर आले मंदिर; ५०० वर्षांपूर्वीच मंदिर असल्याचा पुरातत्त्व अभ्यासकांचा अंदाज - Watch Video
वरील विविध माध्यमांतून भाविकांना श्री विठ्ठल-रुक्मिणीचे दर्शन, महापूजा, शेजआरती, धूप आरती आदी नित्योपोचार पाहता येणार आहे. यंदा 1 जुलै रोजी आषाढी एकादशी आहे. यंदा कोरानाचे सावट असल्याने शासनाच्या निर्देशानुसार कोणत्याही भाविकांना दर्शनासाठी सोडता येणार नाही. कोरोना व्हायरसचा प्रादुर्भाव रोखण्यासाठी भाविकांनी पंढरपूरात येणं टाळावं. भाविकांनी आषाढी यात्रेचा सोहळा पाहण्यासाठी व दर्शनासाठी श्री विठ्ठल-रुक्मिणी मंदिर समितीमार्फत करण्यात आलेल्या या ऑनलाईन दर्शन सुविधेचा लाभ घ्यावा, असं आवाहन मंदिर समितीचे कार्यकारी अधिकारी श्री. जोशी यांनी केलं आहे.
(The above story first appeared on LatestLY on Jun 18, 2020 02:49 PM IST. For more news and updates on politics, world, sports, entertainment and lifestyle, log on to our website latestly.com).
