Marathi Language Row: मराठी भाषा वादाचे पडसाद उत्तर प्रदेशातही उमटले; Banaras Hindu University मधील विद्यार्थ्यांचा महाराष्ट्रातील हिंदी भाषिक स्थलांतरितांवरील हल्ल्यांविरोधात निषेध (Video)
या विद्यार्थ्यांनी हिंदी भाषेच्या विरोधातील हिंसाचार आणि भेदभाव थांबवण्याची मागणी करत, ‘मातृभाषेचा अपमान सहन करणार नाही’ आणि ‘हिंदी विरोधी म्हणजे देशद्रोही’ अशा घोषणांनी लिहिलेली पोस्टर आणि बॅनर प्रदर्शित केले.
महाराष्ट्रातील ‘मराठी विरुद्ध हिंदी’ (Marathi vs Hindi) भाषा वादाचे पडसाद उत्तर प्रदेशातील बनारस हिंदू विद्यापीठातही (Banaras Hindu University- BHU) उमटले. या ठिकाणी विद्यापीठाच्या बाहेर विद्यार्थ्यांनी महाराष्ट्रात हिंदी भाषिक स्थलांतरितांवरील हल्ल्यांचा आणि शिवसेना (उद्धव बाळासाहेब ठाकरे) तसेच महाराष्ट्र नवनिर्माण सेनेच्या (MNS) नेत्यांच्या वक्तव्यांचा तीव्र निषेध केला. या विद्यार्थ्यांनी हिंदी भाषेच्या विरोधातील हिंसाचार आणि भेदभाव थांबवण्याची मागणी करत, ‘मातृभाषेचा अपमान सहन करणार नाही’ आणि ‘हिंदी विरोधी म्हणजे देशद्रोही’ अशा घोषणांनी लिहिलेली पोस्टर आणि बॅनर प्रदर्शित केले. या घटनेमुळे महाराष्ट्रातील भाषिक राजकारण आणि हिंदी भाषिकांवरील हल्ल्यांचा मुद्दा पुन्हा एकदा चर्चेत आला आहे.
9 जुलै 2025 रोजी बनारस हिंदू विद्यापीठाच्या मुख्य प्रवेशद्वाराबाहेर काही विद्यार्थी एकत्र जमले आणि महाराष्ट्रातील हिंदी भाषिक स्थलांतरितांवरील हल्ल्यांचा निषेध केला. त्यांनी शिवसेना (UBT) नेते उद्धव ठाकरे आणि मनसे प्रमुख राज ठाकरे यांच्या हिंदी भाषेविरोधी वक्तव्यांचा आणि त्यांच्या कार्यकर्त्यांकडून होणाऱ्या हिंसक कारवायांचा तीव्र विरोध केला. विद्यार्थ्यांनी ‘हिंदी ही देशाची राष्ट्रीय भाषा आहे, तिचा अवमान सहन केला जाणार नाही’, असा संदेश देणारी बॅनर झळकावली.
Marathi Language Row:
Varanasi, Uttar Pradesh: BHU students staged a protest opposing the statements made by Shiv Sena (UBT) chief Uddhav Thackeray and MNS chief Raj Thackeray against Hindi language pic.twitter.com/gTjD2CPAQy
— IANS (@ians_india) July 9, 2025
महाराष्ट्रात मराठी आणि हिंदी भाषांमधील वाद गेल्या काही महिन्यांपासून तीव्र झाला आहे. राष्ट्रीय शैक्षणिक धोरण 2020 (NEP) अंतर्गत 16 एप्रिल 2025 रोजी महाराष्ट्र सरकारने इयत्ता 1 ते 5 मराठी आणि इंग्रजी माध्यमाच्या शाळांमध्ये हिंदीला तिसरी भाषा म्हणून अनिवार्य करण्याचा निर्णय घेतला. यामुळे मराठी साहित्यिक आणि सांस्कृतिक कार्यकर्त्यांनी तीव्र विरोध दर्शवला. या वादाला पेट देणारी ठिणगी म्हणजे, उद्धव ठाकरे आणि राज ठाकरे यांच्या एकत्रित भूमिकेने, ज्यांनी मराठी भाषेच्या संरक्षणासाठी हिंदीच्या अनिवार्यतेचा विरोध केला. यानंतर, मनसे कार्यकर्त्यांनी हिंदी भाषिक स्थलांतरितांवर हल्ले केल्याच्या अनेक घटना समोर आल्या, ज्यात मराठी भाषेच्या नावाखाली हिंदी भाषिकांना लक्ष्य केले गेले. (हेही वाचा: Raj-Uddhav Thackeray Reunion: राज-उद्धव ठाकरे युती निवडणुकीसाठी म्हणणाऱ्यांना मनसे च्या संदीप देशपांडेंनी दिलं एका फोटोतून प्रत्युत्तर)
महाराष्ट्रात, विशेषतः मुंबईमध्ये हिंदी भाषिक स्थलांतरितांवर हल्ल्यांच्या घटना गेल्या काही महिन्यांत वाढल्या आहेत. मनसे कार्यकर्त्यांनी हिंदी भाषिकांना लक्ष्य करत त्यांना मारहाण केल्याच्या आणि सार्वजनिक ठिकाणी अपमानित केल्याच्या अनेक घटना नोंदवल्या गेल्या. या घटनांमुळे हिंदी भाषिक समुदायात भीतीचे वातावरण निर्माण झाले आहे. आता याचा विरोध करत, बनारस हिंदू विद्यापीठामधील विद्यार्थ्यांनी आपल्या निषेधादरम्यान हिंदी भाषेला राष्ट्रीय भाषेचा दर्जा देण्याची मागणी केली आणि मराठी भाषेच्या नावाखाली होणाऱ्या हिंसाचाराला थांबवण्याचे आवाहन केले.
(The above story first appeared on LatestLY on Jul 09, 2025 06:29 PM IST. For more news and updates on politics, world, sports, entertainment and lifestyle, log on to our website latestly.com).
