पंतप्रधान नरेंद्र मोदी यांनी केली राष्ट्रवादी काँग्रेस पक्षाची स्तुती; जाणून घ्या त्यामागचं कारण
भाजपचा मित्रपक्ष असलेल्या शिवसेना या पक्षाने महाराष्ट्रात त्यांची साथ सोडली आणि राष्ट्रवादी आणि काँग्रेस या दोन पक्षांशी हात मिळवणी केली. अशा परिस्थितीत पंतप्रधान नरेंद्र मोदी यांनी मात्र आज राज्यसभेत राष्ट्रवादी काँग्रेस पक्षाची स्तुती केली.
भाजपचा मित्रपक्ष असलेल्या शिवसेनेने महाराष्ट्रात त्यांची साथ सोडली आणि राष्ट्रवादी आणि काँग्रेस या दोन पक्षांशी हात मिळवणी केली. अशा परिस्थितीत पंतप्रधान नरेंद्र मोदी यांनी मात्र आज राज्यसभेत राष्ट्रवादी काँग्रेस पक्षाची स्तुती केली (Prime Minister Narendra Modi appreciates NCP). निषेध नोंदवण्यासाठी राष्ट्रवादी काँग्रेस आणि बीजेडी या दोन्ही पक्षांनी कधीही पातळी सोडली नाही असं म्हणत त्यांनी या पक्षांची वाहवाह केली.
एएनआई ने केलेल्या ट्विटनुसार मोदी म्हणाले, "आज मला राष्ट्रवादी आणि बीजेडी या दोन पक्षांचे कौतुक करावेसे वाटते. या पक्षांनी संसदीय निकषांचे काटेकोरपणे पालन केले आहे. त्यांनी कधीही त्यांची पातळी सोडली नाही. तरीही त्यांनी आपले मुद्दे अतिशय प्रभावीपणे मांडले आहेत. माझ्यासह इतर पक्षांनी त्यांच्याकडून शिकायला हवे."
पाहा ट्विट,
PM Modi in Rajya Sabha: Today I want to appreciate two parties, NCP and BJD. These parties have strictly adhered to parliamentary norms. They have never gone into the well. Yet, they have raised their points very effectively. Other parties including mine can learn from them. pic.twitter.com/TXvUUOWJin
— ANI (@ANI) November 18, 2019
इतकंच नव्हे तर, मोदी असंही म्हणाले की, "आपल्या देशात एक मोठा कालखंड होता, जेव्हा विरोधी पक्षाकडून फारशी दमदार कामगिरी होत नसत. त्यावेळी सत्तेमध्ये बसलेल्या लोकांना त्याचा मोठा फायदा झाला. पण त्याही वेळी सदनात असे अनुभवी लोक होते, ज्यांनी शासन व्यवस्थेत कधी हुकूमशाही येऊ दिली नाही. हे आपल्या सर्वांसाठी संस्मरणीय आहे."
राज्यसभेच्या 250 व्या सत्रामध्ये पंतप्रधान नरेंद्र मोदी यांनी मांडलेले महत्वाचे मुद्दे
दरम्यान संसदेचं हिवाळी अधिवेशन आजपासून सुरू झालं आहे. आणि पंतप्रधान नरेंद्र मोदी यांनी पहिल्या दिवशी राज्यसभेला संबोधित करताना राष्ट्रवादी काँग्रेस पक्षाचं कौतुक केलं आहे.
(The above story first appeared on LatestLY on Nov 18, 2019 04:29 PM IST. For more news and updates on politics, world, sports, entertainment and lifestyle, log on to our website latestly.com).
