COVID-19 Spike: देशात कोरोनाबाधितांचा आकडा कमी होतच नाही आहे. उलट दिवसागणिक झपाट्याने रुग्णसंख्येत वाढ होत आहे. याच दरम्यान, कोरोनाची महासंकट पाहता 13 विरोधी पक्षांनी रविवारी केंद्र सरकारला मोफत लसीकरण मोहिम चालवण्याचा आग्रह केला आहे. या पक्षांतील नेत्यांनी एका विधानात असे ही म्हटले की, केंद्राने सर्व रुग्णालयात ऑक्सिजनचा पुरवठा सुद्धा करावा. कारण रुग्णांची वाढ झाल्याने संपूर्ण व्यवस्थेवर ताण पडला आहे. गेल्या 10 दिवसांपासून सातत्याने प्रत्येक दिवशी 3 लाखांहून अधिक कोरोनाचे रुग्ण आढळले आहेत. शुक्रवारी तर हा आकडा 4 लाखांच्या पार गेल्याचे दिसून आले.
काँग्रेस अध्यक्षा सोनिया गांधी, एचडी देवगौडा, महाराष्ट्राचे मुख्यमंत्री उद्धव ठाकरे, पश्चिम बंगालच्या मुख्यमंत्री ममता बॅनर्जी, झारखंडचे मुख्यमंत्री हेमंत सोरेन, डीएमके नेते एमके स्टालिन, बीएसपी प्रमुख मायावती, समाजवादी पक्षाचे अध्यक्ष अखिलेश यादव, एनसीपीचे प्रमुख शरद पवार, सीपीआय महासचिव डी राजा आणि सीपीएम महासचिव सीताराम येचुरी यांनी केंद्राला मोफत लसीकरण अभियानासंदर्भात अपील केले आहे.(MBBS आणि नर्सिंगमधील अंतिम वर्षाच्या विद्यार्थ्यांना कोविड ड्युटीसाठी तैनात करण्यात येणार? उद्या होणार निर्णय)
कोरोनासंकटाच्या दरम्यान, देशभरात लसीकरण मोहिम सुरु आहे. 1 मे पासून आता देशात 18 वर्षावरील नागरिकांना सुद्धा कोरोनाच्या लसीचा डोस दिला जात आहे. मात्र काही राज्यात लसीचा तुटवडा भासत असल्याने सध्या लसीकरण मोहिम सुरु करण्यात आलेली नाही.
ly.com" title="होम">होम