COVID-19: कोरोनाच्या नव्या व्हेरिएंटचा झपाट्याने पसार, देशात JN.1 चे 63 रुग्ण, सक्रिय रुग्णांची संख्या 4 हजारांच्या पुढे
कोरोना JN.1 चे हे नवीन उप-प्रकार भारतात वेगाने पसरत आहे. देशभरात कोरोनाचे नवीन रुग्ण झपाट्याने वाढत आहेत. केंद्रीय आरोग्य मंत्रालयाच्या म्हणण्यानुसार, रविवारी कोरोनाचे 656 नवीन रुग्ण आढळले.
भारतासह जगभरात पुन्हा एकदा कोरोना व्हायरसने (Corona Virus) थैमान घातले आहे. देशात कोरोना JN.1 च्या नवीन प्रकारातील रुग्णांची संख्या सातत्याने वाढत आहे. देशात आतापर्यंत JN.1 कोविड (Covid 19) प्रकाराची 63 प्रकरणे नोंदवली गेली आहेत. सर्वाधिक प्रकरणे गोव्यातील आहेत. गोव्यात या प्रकाराची 34 प्रकरणे नोंदवली गेली आहेत. यानंतर महाराष्ट्रातून (Maharashtra ) 9, कर्नाटकातून (Karnataka) 8, केरळमधून (Kerala) 6, तामिळनाडूतून (Tamilnadu) 4 आणि तेलंगणामधून (Telangana) 2 रुग्ण आढळले आहेत. सध्या देशात कोरोनाच्या सक्रिय रुग्णांची संख्या चार हजारांच्या पुढे गेली आहे. (हेही वाचा - Covid-19 Cases In Maharashtra: राज्यात गेल्या 24 तासांत 50 नवीन कोरोना रुग्णांची नोंद; 9 जणांना JN.1 व्हेरिएंटचा संसर्ग)
कोरोना JN.1 चे हे नवीन उप-प्रकार भारतात वेगाने पसरत आहे. देशभरात कोरोनाचे नवीन रुग्ण झपाट्याने वाढत आहेत. केंद्रीय आरोग्य मंत्रालयाच्या म्हणण्यानुसार, रविवारी कोरोनाचे 656 नवीन रुग्ण आढळले, त्यानंतर देशातील सक्रिय रुग्णांची संख्या 4,054 झाली आहे. आरोग्य मंत्रालयाच्या ताज्या आकडेवारीनुसार, केरळमध्ये गेल्या 24 तासांत संसर्गामुळे एका व्यक्तीचा मृत्यू झाल्याने मृतांची संख्या 5,33,334 झाली आहे.
अलीकडे, भारतासह जगभरात पुन्हा कोविड प्रकरणांमध्ये किंचित वाढ दिसून येत आहे आणि यासाठी JN.1 चे उप-प्रकार कारणीभूत असल्याचे सांगितले जात आहे. JN.1 हे Omicron चे उप-प्रकार आहे जे मजबूत प्रतिकारशक्ती असलेल्या लोकांना देखील सहज संक्रमित करू शकते. हे ओमिक्रॉनचे वंशज आहे, जरी त्यात काही भिन्न वैशिष्ट्ये आणि क्रियाकलाप आहेत.
(The above story first appeared on LatestLY on Dec 25, 2023 03:56 PM IST. For more news and updates on politics, world, sports, entertainment and lifestyle, log on to our website latestly.com).
