Gold | Photo Credits: Pixabay.com)

Gold-Silver Price Today: भारतीयांना दिवाळीच्या शुभ मुहूर्तावर सोने खरेदी करायला आवडते. अशा परिस्थितीत तुम्हीही या दिवाळीत सोने-चांदी खरेदी करणार असाल तर तुमच्यासाठी एक आनंदाची बातमी आहे. गेल्या अनेक दिवसांपासून सोन्या-चांदीच्या दरात सातत्याने घट होत आहे. दिवाळीनिमित्त तुम्हीही सोने-चांदी खरेदी करण्याचा विचार करत असाल तर आज कोणत्या शहरात सोन्या-चांदीचे दर किती आहेत ते जाणून घेऊयात...

इंडियन बुलियन अँड ज्वेलर्स असोसिएशन (IBJA) च्या मते, 24-कॅरेट सोने या महिन्यात 1,776 ने घसरून 50,062 रुपये प्रति 10 ग्रॅम झाले आहे, जे ऑक्टोबरच्या उच्चांकी 51,838 रुपये आहे. त्याचवेळी चांदीचा भाव 5,479 रुपयांनी घसरून 55555 रुपयांवर आला असून, या महिन्यातील उच्चांक 61034 रुपये आहे. (हेही वाचा - Dhanteras 2022 Shopping Muhurat: माता लक्ष्मीला प्रसन्न करण्यासाठी धनत्रयोदशीला खरेदी करा 'या' 5 वस्तू)

कॅरेटनुसार सोन्याचे नवीनतम किंमत -

  • 24 कॅरेट सोन्याची नवीनतम किंमत 50,062 रुपये प्रति 10 ग्रॅम आहे. 24 कॅरेट सोन्याचा भाव या महिन्यात 6 ऑक्टोबर रोजी 51838 रुपयांच्या सर्वकालीन उच्चांकावर पोहोचला होता. आता तो 1,776 रुपयांनी कमी होऊन 50062 रुपये प्रति 10 ग्रॅम होत आहे.

  • 23 कॅरेट सोने या महिन्याच्या उच्चांकावरून 1,768 रुपयांनी स्वस्त झाले आहे. 8 ऑक्टोबर रोजी त्याची किंमत 51630 रुपयांवर पोहोचली होती, आता ती 49862 रुपये प्रति 10 ग्रॅम आहे.

  • 22 कॅरेट सोन्याची किंमत 45,857 रुपये प्रति 10 ग्रॅम आहे. तो या महिन्यातील उच्चांकी 47484 रुपये प्रति दहा ग्रॅमवरून 1,627 रुपयांनी घसरून 45857 रुपयांवर आला आहे.

  • 18 कॅरेट सोन्याचा नवीनतम दर 37,547 रुपये प्रति 10 ग्रॅम आहे. 6 ऑक्टोबर रोजी 38879 रुपयांच्या तुलनेत 1,332 रुपयांनी स्वस्त झाला आहे.

    14 कॅरेट सोने 29,286 रुपये प्रति 10 ग्रॅम दराने विकले जात आहे. 14 कॅरेट सोन्याचा भाव या महिन्याच्या 30325 रुपयांच्या उच्चांकावरून 1,039 रुपये प्रति 10 ग्रॅमने स्वस्त झाला आहे.

दिल्ली, मुंबईसह इतर शहरांतील सोन्याचे दर -

गुड रिटर्न्सनुसार, 23 ऑक्टोबर रोजी सोने 1 रुपयाने महागले आहे. आज 22 कॅरेट सोन्याचा भाव 1 रुपयांनी घसरला असून तो 4701 रुपये प्रति ग्रॅमने विकला जात आहे. 24 कॅरेट सोनं 1 रुपयांनी महागलं आहे आणि 5,129 रुपये प्रति ग्रॅमनं विकलं जात आहे.

  • आज दिल्लीत 22 कॅरेट सोने 47,150 रुपयांना आणि 24 कॅरेट सोने 52,450 रुपयांना उपलब्ध आहे.

  • मुंबईत 22 कॅरेट सोने 47,010 रुपयांना तर 24 कॅरेट सोने 51,290 रुपयांना विकले जात आहे.

  • कोलकातामध्ये 22 कॅरेट सोने 47,060 रुपये आणि 24 कॅरेट सोने 51,290 रुपयांना विकले जात आहे.

  • चेन्नईमध्ये 22 कॅरेट सोने 47,410 रुपये आणि 24 कॅरेट सोने 52,710 रुपयांना विकले जात आहे.

  • पटणामध्ये 22 कॅरेट सोने 47,040 रुपये आणि 24 कॅरेट सोने 51,290 रुपयांना विकले जात आहे.

  • जयपूरमध्ये 22 कॅरेट आणि 24 कॅरेट सोने अनुक्रमे 47,150 आहे. 51,450 ची विक्री होत आहे.

    धनतेरसला सोने खरेदी करणं शुभ मानलं जात. यंदा शनिवारी आणि रविवारी धनतेरसचा मुहूर्त आहे. या दिवशी सोन खरेदी केलं जातं. यंदा सोन्याच्या दरात मोठी घसरण झाली आहे. त्यामुळे ग्राहकांना यावर्षी कमी दरात सोनं खरेदी करता येणार आहे.