Penalty On Google: गुगलच्या मनमानी कारभारावर भारताची पुन्हा कारवाई; CCI ने गुगलला ठोठावला 936.44 कोटी रुपयांचा दंड
यापूर्वी सीसीआयने अमेरिकन कंपनी गुगलला 1,337.76 कोटी रुपयांचा दंड ठोठावला होता. यासोबतच सीसीआयने गुगलला अनुचित व्यापार व्यवस्था बंद करण्याचे निर्देश दिले आहेत.
Penalty On Google: भारतीय स्पर्धा आयोगाने (CCI) सर्च इंजिन कंपनी गुगल (Google) ला पुन्हा एकदा दंड ठोठावला आहे. CCI ने यावेळी गुगलवर 936.44 कोटी रुपयांचा दंड ठोठावला आहे. प्लेस्टोअर धोरणांबाबत आपल्या पदाचा गैरवापर केल्यामुळे CCI ने Google वर हा दंड ठोठावला आहे. यापूर्वी सीसीआयने अमेरिकन कंपनी गुगलला 1,337.76 कोटी रुपयांचा दंड ठोठावला होता. यासोबतच सीसीआयने गुगलला अनुचित व्यापार व्यवस्था बंद करण्याचे निर्देश दिले आहेत.
भारतीय स्पर्धा आयोगाने (CCI) सांगितले की, Google ला देखील निर्धारित वेळेत त्यांचे वर्तन बदलण्याचे निर्देश देण्यात आले आहेत. याआधी देखील CCI ने Google ला Android मोबाईल उपकरण इकोसिस्टममधील मक्तेदारीचा गैरवापर केल्याबद्दल दंड ठोठावला होता. एका आठवड्यापेक्षा कमी कालावधीत Google विरुद्ध CCI ची ही दुसरी मोठी कारवाई आहे. (हेही वाचा - Cancer Risk From Shampoos: लोकप्रिय शॅम्पू Dove आणि Tresemme मधून कर्करोगाचा धोका; Unilever ने बाजारातून परत मागवली उत्पादने)
दरम्यान, 20 ऑक्टोबर रोजी, CCI ने Google ला Android मोबाइल उपकरणांच्या संदर्भात एकाधिक बाजारपेठांमध्ये आपल्या वर्चस्वाचा गैरवापर केल्याबद्दल 1,337.76 कोटी रुपयांचा दंड ठोठावला होता. तसेच शोध इंजिन कंपनीला विविध अनुचित व्यवसाय प्रणाली थांबवण्याचे आणि बंद करण्याचे आदेश दिले होते. तत्पूर्वी, भारतीय स्पर्धा आयोगाने निरीक्षण केले की Google ने केवळ Android OS द्वारे अॅप स्टोअरवरील आपल्या मक्तेदारीचा गैरवापर केला नाही, तर Google Chrome अॅपद्वारे नॉन-OS मध्ये आपले स्थान मिळवले आहे.
गुगलने दंडानंतर दिली होती प्रतिक्रिया -
सीसीआयच्या पहिल्या कारवाईवर सर्च इंजिन गुगलचीही प्रतिक्रिया आली होती. कंपनीने म्हटले होते की, "सीसीआयचा निर्णय भारतीय ग्राहक आणि व्यवसायांसाठी एक मोठा धक्का आहे. यामुळे Android च्या सुरक्षा वैशिष्ट्यांवर अवलंबून असलेल्या भारतीयांसाठी गंभीर सुरक्षा धोक्याची संधी आहे. या निर्णयामुळे भारतीयांच्या मोबाइल डिव्हाइसची किंमत वाढण्याची शक्यता आहे." यासोबतच गुगलने या निर्णयाचा आढावा घेण्याचे सांगितले होते.
(The above story first appeared on LatestLY on Oct 25, 2022 07:38 PM IST. For more news and updates on politics, world, sports, entertainment and lifestyle, log on to our website latestly.com).
