Drishyam-Style Murder: 13 महिन्यांनंतर हत्येचा उलगडा, आरोपीने दृश्यम चित्रपटापासून प्रेरित होऊन रचला होता खुनाचा कट
अजय देवगणचा दृश्यम चित्रपट हा क्राईम चित्रपट चांगलाच सुपरहिट ठरला होता. या चित्रपटात अभिनेता मुलीला वाचवण्यासाठी सर्व अथक प्रयत्न करतो आणि मुलीची केलेल्या गुन्ह्यापासून सुखरूप सुटका करतो. दरम्यान, या चित्रपटाला प्रेरित होऊन एका आरोपीने केलेल्या चित्रपटासारखा खुनाचा खळबळजनक प्रकार जुनागड पोलिसांनी उघडकीस आणला असून बेपत्ता झालेल्या महिलेचा मृतदेह अखेर 13 महिन्यांनंतर विहिरीत सापडला आहे. 2 जानेवारी 2024 रोजी बेपत्ता झालेल्या विसावदर तालुक्यातील रूपवती गावात राहणाऱ्या दया सावलिया (35) या महिलेचा खून करण्यात आला होता.
Drishyam-Style Murder: अजय देवगणचा हा क्राईम चित्रपट चांगलाच सुपरहिट ठरला होता. या चित्रपटात अभिनेता मुलीला वाचवण्यासाठी सर्व अथक प्रयत्न करतो आणि मुलीची केलेल्या गुन्ह्यापासून सुखरूप सुटका करतो. दरम्यान, या चित्रपटाला प्रेरित होऊन एका आरोपीने केलेल्या चित्रपटासारखा खुनाचा खळबळजनक प्रकार जुनागड पोलिसांनी उघडकीस आणला असून बेपत्ता झालेल्या महिलेचा मृतदेह अखेर 13 महिन्यांनंतर विहिरीत सापडला आहे. 2 जानेवारी 2024 रोजी बेपत्ता झालेल्या विसावदर तालुक्यातील रूपवती गावात राहणाऱ्या दया सावलिया (35) या महिलेचा खून करण्यात आला होता. दया सोन्याचे दागिने आणि 9 लाख 60 हजार रुपयांची रोकड घेऊन घरातून निघाली होती, त्यामुळे पती वल्लभ यांनी बेपत्ता झाल्याची तक्रार दाखल केली होती. आरोपी हार्दिक सुखाडिया (28) याने अनेक महिने तपासअधिकाऱ्यांची दिशाभूल केली आणि गांधीनगरयेथील फॉरेन्सिक सायन्स लॅबोरेटरी (एफएसएल) मध्ये लेअर व्हॉइस अॅनालिसिस (एलव्हीए) चाचणी उत्तीर्ण केली, परंतु अखेरीस पुरावेसमोर आल्यावर आरोपीने कबुली दिली.
आरोपी हार्दिकने 3 जानेवारी 2024 रोजी अमरेली जिल्ह्यातील हडाला गावाजवळ दयाची हत्या केल्याची कबुली दिली होती. त्याने तिचा मृतदेह विहिरीत टाकण्यापूर्वी तिच्यावर दगडाने वार केले. पोलिसांनी फॉरेन्सिक टीम आणि अमरेली अग्निशमन दलाच्या मदतीने 27 फेब्रुवारी रोजी मृत महिलेचा मृतदेह विहिरीतून बाहेर काढण्यात आले आहे.
दयाचे विवाहबाह्य संबंध होते असे आरोपीने सांगितले परंतु पोलिसांना हार्दिकवर संशय होता, मात्र त्याने राहुल नावाच्या दुसऱ्या व्यक्तीसोबत पळून गेल्याचा दावा करून पोलिसांची दिशाभूल केली. दरम्यान, पोलिसांना संशय येऊ नये म्हणून आरोपीने फोन वापरणेही बंद केले होते. एलव्हीए चाचणी उत्तीर्ण होऊनही निरीक्षक जतिन पटेल यांच्या नेतृत्वाखाली स्थानिक गुन्हे शाखेने (एलसीबी) तपास सुरूच ठेवला होता. तांत्रिक आणि इतर पुरावे गोळा केल्यानंतर त्यांनी हार्दिकची पुन्हा चौकशी केली. यावेळी त्याने गुन्ह्याची कबुली दिली.
(The above story first appeared on LatestLY on Mar 01, 2025 05:53 PM IST. For more news and updates on politics, world, sports, entertainment and lifestyle, log on to our website latestly.com).
