Andhra Pradesh: क्लिनिकमध्ये आग लागल्याने डॉक्टर आणि त्यांच्या 2 मुलांचा मृत्यू
Fire | Image Used For Representational purpose Only (Photo Credits: Pixabay.com)

Andhra Pradesh: आंध्र प्रदेशातील तिरुपतीजवळील भगतसिंग नगर येथील एका तीन मजली इमारतीला रविवारी पहाटे भीषण आग (Fire) लागली. यात एक डॉक्टर आणि त्याचा मुलगा आणि मुलगी मरण पावले आहेत. याशिवाय अन्य दोनजण गंभीर जखमी झाले आहेत. इमारतीच्या पहिल्या मजल्यावर दुपारी 4.30 च्या सुमारास आग लागली. इमारतीच्या तळमजल्यावर डॉक्टरांचे क्लिनिकही आहे.

मृत तिघांची ओळख पटली आहे. या घटनेत डॉ. रविशंकर रेड्डी आणि त्यांचा मुलगा सिद्धू (वय, 12) आणि मुलगी कार्तिक (वय, 6) यांना जीव गमवावा लागला आहे. तिघांनाही उपचारासाठी दुसऱ्या रुग्णालयात हलवण्यात आले. मात्र, त्यांचा मृत्यू झाला. आगीमुळे तिघेही गंभीर जखमी झाले. त्यामुळे त्यांना वाचवता आले नाही. (हेही वाचा - Dowry Case: हुंडा न दिल्याने पत्नीकडे मित्रासोबत संबंध ठेवण्याची केली मागणी, महिलेने विरोध केल्याने पतीने दिला तिहेरी तलाक)

अग्निशमन दलाने घटनास्थळ गाठून डॉक्टरांच्या पत्नी डॉ. अनंत लक्ष्मी आणि आई रामासुब्बम्मा यांची सुटका केली. त्यानंतर अग्निशमन दलाच्या जवानांनी आग आटोक्यात आणली. आगीचे खरे कारण अद्याप समजू शकलेले नाही. पोलीस या प्रकरणाचा तपास करत आहेत पोलिसांनी सांगितले की, सर्व मृतदेह तिरुपती येथील सरकारी रुईया रुग्णालयात पाठवण्यात आले आहेत.

त्याचवेळी, राजस्थानमधील भिलवाडा जिल्ह्यातील खेडा गावात स्वयंपाकाच्या गॅस सिलिंडरला आग लागल्याने एक वृद्ध महिला आणि एक किशोर मुलगी गंभीर भाजल्याची घटना घडली आहे. अपघातातील दोन्ही जखमींना उपचारासाठी दाखल करण्यात आले आहे. एलपीजी सिलेंडर लिकेज आणि इलेक्ट्रिकल शॉर्ट सर्किटमुळे ही आग लागल्याचे सांगण्यात येत आहे. या दोघींची प्रकृती गंभीर आहे.