Bigg Boss Marathi 2: 'शिवानी सुर्वे' ची घरवापसी; बिग बॉसच्या घरातील सदस्यांना मिळणार सरप्राईज? (Watch Video)
बिग बॉसच्या घरातून हट्टापायी बाहेर गेलेली शिवानी सुर्वे आजच्या वीकेंडच्या डाव मध्ये घरात पुन्हा एंट्री करणार आहे, याबाबत कलर्स मराठी कडून एक व्हिडीओ शेअर करण्यात आला आहे, यात शिवानीचा चेहरा दाखवला नसला तरी तिच्या आवाजावरून हा अंदाज बांधला जात आहे.
बिग बॉसच्या (Bigg Boss Marathi 2) घरात दर शनिवारी, महेश मांजरेकर (Mahesh Manjrekar) घरातील सदस्यांनी आठवडाभर घातलेल्या गोंधळाची शाळा घेतात, यामध्ये सदस्यांचे आरोप प्रत्यारोप ऐकून त्यांना रीतसर समज दिली जाते, याशिवाय चुगली बूथ, प्रेक्षकांचे प्रश्न सोबत एखादा छोटासा खेळ अशा रूपात वीकेंडचा डाव (Weekend cha Daav) पार पडतो. पण यावेळी प्रेक्षकां सोबतच घरातील सदस्यांना देखील एक अनपेक्षित गिफ्ट मिळणार आहे. कलर्स मराठीने (Colors Marathi) आपल्या सोशल मीडियावर शेअर केलेल्या एका व्हिडीओमध्ये नेहा शितोळे (Neha Shitole) हिला घरात कोणीतरी हाक मारत आहे, त्यानंतर सगळे जण या आवाजाचा शोध घेऊ लागतात आणि तितक्यात कन्फेशन रुम मधून हातात एक बॉक्स घेऊन एक मुलगी प्रवेश करते, ही मुलगी म्हणजे इतर कोणी नसून शिवानी सुर्वे (Shivani Surve) आहे असा अंदाज बांधला जातोय.
शिवानी सुर्वे ही यंदा बिग बॉस मराठीच्या घरातून थेट नॉमिनेट न होता बाहेर पडलेली पहिली स्पर्धक आहे, तिने तब्येतीचे कारण सांगून बिग बोस जवळ घरातून बाहेर जाण्याचा हट्ट धरला होता, त्यानंतर तिच्यावर बरीच टीका सुद्धा झाली होती. मात्र लगेचच तिच्या घरवापसीच्या चर्चा देखील सुरु होत्या या सर्व चर्चांवर शिक्कामोर्तब करून आता अखेरीस शिवानी घरात परतणार असल्याचे निश्चित झाले आहे. शिवानीच्या घरातील पुन्हा आगमनामुळे तिची मैत्रीण नेहाला आनंद झालेला पाहायला मिळत आहे तर विरोधी टीमच्या सदस्यांच्या चेहऱ्यावर पुरते बारा वाजलेत. पाहा काय झालं कालच्या भागात?
(Watch Video)
कोण हाक मारतंय नेहाला? #BiggBossMarathi2 च्या घरात नेमकं आलंय तरी कोण? पाहा आज रात्री 9.30 वा. #ColorsMarathi वर. @bhosle_rupali @maadhavdeochake @TheHeenaPanchal @GmKishori @officialveenie @vaishalimhade @abhijeetkellkar pic.twitter.com/qr8IhmTddx
— Colors Marathi (@ColorsMarathi) July 13, 2019
शिवानी सुर्वे हिच्या घरवापसीमुळे आता बिग बॉसच्या घरात कोणता धमाका होणार हे पाहणे औत्सुक्याचे ठरणार आहे, मात्र ती वाईल्ड कार्ड स्पर्धक म्हणून घरात आली आहे की पाहुणी म्हणून याबाबत शोच्या निर्मात्यांनी कोणताच खुलासा केलेला नाही.तसेच शिवानीच्या पाठोपाठ आता चाहत्यांना बिचुकलेंच्या आगमनाची सुद्धा आस लागली आहे.
(The above story first appeared on LatestLY on Jul 13, 2019 03:00 PM IST. For more news and updates on politics, world, sports, entertainment and lifestyle, log on to our website latestly.com).
