Lee Sun-Kyun Found Dead: ऑस्कर विजेता 'पॅरासाइट' अभिनेता ली सन-क्युन यांचे निधन, कारमध्ये आढळला मृतदेह
South Korean actor Lee Sun-Kyun | (Photo Credits: X)

दक्षिण कोरियाई अभिनेता (South Korean actor) ली सन-क्युन (Lee Sun-Kyun News) यांचे निधन झाले आहे. ते अवघे 48 वर्षांचे होते. सन 2020 मध्ये ऑस्कर विजेता चित्रपट 'पॅरासाईट' (Parasite Movie) मध्ये साकारलेल्या भूमिकेमुळे ते जगभरात चर्चिले गेले होते. अंमली पदार्थांचे अतिसेवन केल्याने त्यांचा मृत्यू झाल्याची प्राथमिक माहिती आहे. सेंट्रल सेऊल पार्क येथे त्यांचा मृतदेह कारमध्ये आढळून आला. असोसिएटेड प्रेस आणि दक्षिण कोरियाची न्यूज एजन्सी योनहाप यांचा हवाला देत प्रसारमाध्यमांनी अभिनेत्याच्या निधनाबद्दल वृत्त दिले आहे. कोरियन पोलिसांनीही त्यांच्या मृत्यूच्या वृत्ताला दुजोरा दिला आहे.

आत्महत्येची चिठ्ठी लिहून सोडले घर

ली सन-क्युन हे बुधवारी सकाळी घरातून लवकर बाहेर पडले होते. जाताना त्यांनी आत्महत्येची चिठ्ठी (सुसाईड नोट) लिहीली होती. चिठ्ठी मिळताच कुटुंबीयांनी पोलिसांना माहिती दिली. तेव्हापासून पोलीस त्यांचा शोध घेत होते. अंमली पदार्थांच्या अतीसेवनावरुन ली अलिकडेच पोलिसांच्या रडारवर आले होते. दक्षिण कोरियातील इंचॉन महानगर पोलिसांनी ली यांच्यासह आणखी सात जणांची अंमली पदार्थांच्यासेवनावरुन चौकशी केली होती. ली यांनी दावा केला होता की, ते एका व्यक्तीकडून मागितल्या जाणाऱ्या शेकडो डॉलर्सच्या मागणीमुळे मोठ्या आर्थिक संकटात आहे. सदर व्यक्ती सातत्याने त्यांच्या असाहयतेचा फायदा घेत होता. (हेही वाचा, Oscars 2020: ‘पैरासाइट’ठरला ऑस्कर विजेता सर्वोत्कृष्ट चित्रपट,वॉकिन फीनिक्स बेस्ट अॅक्टर)

अंमली पदार्थ वापरापद्धल पोलीस चौकशी

योनहॅपने दिलेल्या माहितीनुसार, सोलमधील एका उच्च श्रेणीतील बार होस्टेसच्या घरी गांजा आणि इतर ड्रग्सच्या कथित वापराबद्दल अधिकाऱ्यांनी अलीकडेच अलीकडे तीन वेळा लीची चौकशी केली होती. ही चौकशी या या वर्षाच्या (2023) सुरुवातीलाच झाली होती. त्याने सांगितले की त्याची फसवणूक झाली आहे आणि तो काय खात आहे याची त्याला कल्पना नव्हती. (हेही वाचा, James Mccaffrey Dies: हॉलिवूड अभिनेते जेम्स मॅककॅफ्रे यांचे निधन, वयाच्या 65व्या वर्षी घेतला अखेरचा श्वास)

अनेक राष्ट्रीय आंतरराष्ट्रीय पुरस्कार प्राप्त

ली सन-क्युन यांच्या अभिनयाचे जगभर चाहते होते. खास करुन त्यांनी अभिनय केलेला 'पॅरासाइट' हा चित्रपट सन 2020 मध्ये ऑस्कर विजेता ठरला. ज्यामध्ये सर्वोत्कृष्ट चित्र, बोंग जून-होसाठी दिग्दर्शक, मूळ पटकथा आणि दक्षिण कोरियन आंतरराष्ट्रीय फीचर फिल्म यांचा समावेश आहे. कान्स फिल्म फेस्टिव्हलमध्‍ये पाल्मे डी’ओर देखील जिंकला, हा बहुमान मिळवणारा पहिला दक्षिण कोरियन चित्रपट बनला. ली आणि "पॅरासाइट" च्या कलाकारांना मोशन पिक्चरमधील कलाकारांच्या उत्कृष्ट कामगिरीसाठी स्क्रीन अॅक्टर्स गिल्ड पुरस्कार मिळाला. अशा विविध राष्ट्रीय आंतरराष्ट्रीय सिनेमांमूळे ली सन-क्युन चर्चेत होता.

'पॅरासाइट' मधील यशानंतर, लीने Apple TV+ ची पहिली दक्षिण कोरियन मालिका 'डॉ ब्रेन' मध्ये अभिनय केला आणि 2022 च्या आंतरराष्ट्रीय एमी पुरस्कारांमध्ये सर्वोत्कृष्ट अभिनेत्यासाठी नामांकन मिळाले. 2000 आणि 2010 च्या दशकात, तो 'पेबॅक', 'डायरी ऑफ अ प्रॉसिक्युटर', 'माय मिस्टर', 'किलिंग रोमान्स', 'किंगमेकर' आणि इतर बर्‍याच दक्षिण कोरियाई चित्रपटांमध्ये देखील दिसला.