Vocalist Prabha Atre Passes Away: शास्त्रीय गायिका प्रभा अत्रे यांचे हृदयविकाराच्या झटक्याने निधन; 92 वर्षीय गायिकेने जिंकले होते 3 पद्म पुरस्कार
प्रभा यांना लहानपणापासूनच संगीताची आवड होती. त्यांना 1990 मध्ये पद्मश्री, 2002 मध्ये पद्मभूषण आणि 2022 मध्ये पद्मविभूषणने सन्मानित करण्यात आले. अत्रे यांनी त्यांच्या कारकिर्दीच्या सुरुवातीच्या काळात गायन रंगमंचावर अभिनेत्री म्हणून काम केले.
Vocalist Prabha Atre Passes Away: प्रसिद्ध शास्त्रीय गायिका प्रभा अत्रे (Prabha Atre) यांचे वयाच्या ९२ व्या वर्षी हृदयविकाराच्या झटक्याने निधन झाले. त्यांना रुग्णालयातही नेण्यात आले, मात्र रुग्णालयात पोहोचण्यापूर्वीच त्याचा मृत्यू झाला. मिळालेल्या माहितीनुसार, 92 वर्षीय गायिका प्रभा अत्रे यांना शनिवारी सकाळी हृदयविकाराचा झटका आला. कुटुंबीयांनी त्यांना पुण्यातील दीनानाथ मंगेशकर रुग्णालयात नेले. परंतु, रुग्णालयात पोहोचण्यापूर्वीच त्यांचा मृत्यू झाला. येत्या काही दिवसांत प्रभा अत्रे या मुंबईतील एका कार्यक्रमात सहभागी होणार होत्या. त्यासाठी सर्व तयारीही करण्यात आली होती. मात्र, त्यापूर्वीच त्यांचे निधन झाले.
प्रभा अत्रे यांचा जन्म १३ सप्टेंबर १९३२ रोजी पुण्यात झाला. प्रभा ८ वर्षांच्य असताना तिची आई इंदिराबाई अत्रे यांची तब्येत बिघडू लागली. तेव्हा त्यांच्या एका मित्राने त्यांना शास्त्रीय संगीत ऐकण्याचा सल्ला दिला. शास्त्रीय संगीत ऐकल्याने त्यांची तब्येत सुधारेल असं त्याने सांगितलं. यानंतर तिने शास्त्रीय संगीत ऐकायला सुरुवात केली. तेव्हापासून प्रभा यांनाही प्रेरणा मिळाली आणि त्यांनी शास्त्रीय संगीत गायनाला सुरुवात केली. (हेही वाचा -Prabha Atre Passes Away: जेष्ठ शास्त्रीय गायिका प्रभा अत्रे यांचे पुण्यात निधन)
प्रभा अत्रेंनी घेतले कथ्थक नृत्य शैलीचे प्रशिक्षण -
दरम्यान, प्रभा अत्रे यांनी गुरुशिष्य परंपरेत संगीताचे प्रशिक्षण घेतले. किराणा घराण्याचे सुरेशबाबू माने आणि हिराबाई बडोदकर यांच्याकडून त्यांनी शास्त्रीय संगीताचे शिक्षण घेतले. त्यांनी कथ्थक नृत्य शैलीचे औपचारिक प्रशिक्षण घेतले.
प्रभा अत्रे तीन पद्म पुरस्काराने सन्मानित -
प्रभा यांना लहानपणापासूनच संगीताची आवड होती. त्यांना 1990 मध्ये पद्मश्री, 2002 मध्ये पद्मभूषण आणि 2022 मध्ये पद्मविभूषणने सन्मानित करण्यात आले. अत्रे यांनी त्यांच्या कारकिर्दीच्या सुरुवातीच्या काळात गायन रंगमंचावर अभिनेत्री म्हणून काम केले. संन्यास-कल्लोल, मानापमान, सौभद्र आणि विद्याहरण या संगीत नाटकांसह त्यांनी मराठी रंगभूमीच्या अभिजात नाटकांमध्येही भूमिका केल्या आहेत.
(The above story first appeared on LatestLY on Jan 13, 2024 11:45 AM IST. For more news and updates on politics, world, sports, entertainment and lifestyle, log on to our website latestly.com).
