QuickLY
Socially
Mohammed bin Salman Fears Assassination: सौदी अरेबियाचे (Saudi Arabia) क्राउन प्रिन्स मोहम्मद बिन सलमान (Mohammed bin Salman) यांच्या जीवाला धोका आहे. अमेरिकन न्यूज आउटलेट पॉलिटिकोने दिलेल्या वृत्तात हा दावा करण्यात आला आहे. न्यूज आउटलेटनुसार, जर सौदी राजकुमारने इस्रायलसोबत सामान्यीकरण करारावर स्वाक्षरी केली, तर त्यांची हत्या केली जाऊ शकते. सौदी प्रिन्सने आपल्या सुरक्षेबाबत चिंता व्यक्त केली आहे. त्यांनी अमेरिकन खासदारांना सांगितले की, जर त्यांनी इस्रायलशी पॅलेस्टाईन राज्याला मान्यता न देण्याचा करार केला तर त्याची हत्या केली जाऊ शकते.
मोहम्मद बिन सलमान यांनी कोणत्याही संभाव्य सामान्यीकरण करारामध्ये पॅलेस्टिनी राज्यत्वाचा स्पष्ट मार्ग समाविष्ट करण्याच्या गरजेवर भर दिला. इजिप्तचा संदर्भ देत ते म्हणाले की, इजिप्तचे अध्यक्ष अन्वर सादात यांनी 1981 मध्ये इस्रायलसोबत शांतता करार केला तेव्हा इस्लामिक दहशतवाद्यांनी त्यांची हत्या केली होती.
यासोबतच सौदी प्रिन्सने असा प्रश्नही केला की, सादतच्या संरक्षणासाठी तेव्हा अमेरिकेने काय केले होते? बिन सलमान म्हणाले की, इस्लामच्या पवित्र स्थळांचे संरक्षक या नात्याने, जर त्यांनी या प्रदेशाला भेडसावणारा न्यायाचा प्रश्न सोडवला नाही तर ते राजीनामा देतील. ते म्हणतात की सौदी लोकांना पॅलेस्टाईनची खूप काळजी आहे. सौदीच्या राजकुमाराने किती काळापूर्वी आपल्या हत्येबाबत चिंता व्यक्त केली होती, याचा उल्लेख अहवालात नाही. यूएस काँग्रेसच्या सूत्रांनी दिलेल्या माहितीनुसार, गाझा युद्धामुळे इस्रायल-सौदी सामान्यीकरण करार होण्याची आशा फार कमी आहे.
सौदी राजकुमार आपल्या जीवाला धोका असूनही, अमेरिका आणि इस्रायलशी करार करण्यासाठी कटिबद्ध आहे. सौदीच्या भविष्यासाठी हा करार आवश्यक असल्याचे त्यांना वाटते. कारण त्या बदल्यात सौदीला अमेरिकेकडून शस्त्रास्त्रांचा नियमित पुरवठा आणि सुरक्षेची हमी मिळेल. यासोबतच सौदी अमेरिकेच्या मदतीने नागरी आण्विक कार्यक्रम सुरू करू शकणार आहे. (हेही वाचा: Bangladesh Crisis: बांगलादेशचे नवे प्रमुख Muhammad Yunus यांचा PM Narendra Modi यांना फोन; दिले हिंदू आणि इतर अल्पसंख्याकांचे संरक्षण आणि सुरक्षेचे आश्वासन)
इस्रायल-सौदी करारातील महत्त्वाचा मुद्दा म्हणजे पॅलेस्टिनी राष्ट्राला मान्यता देण्याची मागणी. पॅलेस्टिनी राष्ट्राची मागणी आपल्या करारात समाविष्ट करण्यास इस्रायलचे पंतप्रधान नेतन्याहू यांचा विरोध आहे. मात्र, गाझा युद्धाच्या सुरुवातीलाच सौदीने अमेरिकेला स्पष्टपणे सांगितले होते की पॅलेस्टिनी राज्याला मान्यता मिळेपर्यंत इस्रायलशी कोणतेही संबंध प्रस्थापित करणार नाहीत. पॅलेस्टाईनला स्वतंत्र राष्ट्र म्हणून मान्यता द्यावी, असे सौदीच्या परराष्ट्र मंत्रालयाने म्हटले आहे. जेरुसलेम त्याची राजधानी बनली.
