Los Angeles Fire: लॉस एंजेलिसमध्ये वणवा विझवण्यास पाण्याची कमतरता, राज्यपाल संतप्त; आतापर्यंत 11 जणांचा मृत्यू

Los Angeles Fire:   लॉस एंजेलिसमधील विनाशकारी वणव्यात मृतांचा आकडा किमान 11 वर पोहोचला आहे. त्याच वेळी, आग विझवण्याच्या प्रयत्नांमध्ये पाण्याची कमतरता ही एक मोठी समस्या बनली आहे. एलए काउंटी मेडिकल एक्झामिनर ऑफिसने अलीकडील मृत्यूंची पुष्टी केली. दिवस जातील तसतसे ही संख्या वाढू शकते असा इशारा त्यांनी दिला.  (हेही वाचा -  Los Angeles Wildfires: अमेरिकेत Nora Fatehi राहत असलेल्या हॉटेलला देखील तातडीने रिकामे करण्याची नोटीस; अभिनेत्रीने सोशल मीडीयात शेअर केली परिस्थिती)

लॉस एंजेलिसमध्ये पाण्याची कमतरता

मीडिया रिपोर्ट्सनुसार, कॅलिफोर्नियाच्या गव्हर्नरने लॉस एंजेलिस परिसरातील आगीविरुद्धच्या लढाईत पाण्याच्या कमतरतेमुळे कसा नुकसान झाले याची स्वतंत्र चौकशी करण्याची मागणी केली आहे. गव्हर्नर गॅविन न्यूसम म्हणाले की त्यांनी काही अग्निशमन केंद्रांवर पाण्याचा अभाव आणि सांता येनेझ जलाशयातून पाण्याची अनुपलब्धता असल्याच्या दाव्यांची स्वतंत्र चौकशी करण्याची मागणी केली आहे.

100 किमी/ताशी वेगाने वारा वाहत आहे

लॉस एंजेलिसच्या पाणी आणि वीज विभागाच्या प्रमुख जेनिस क्विनोन्स आणि लॉस एंजेलिस काउंटी पब्लिक वर्क्स डायरेक्टर मार्क पेस्ट्रेला यांना लिहिलेल्या पत्रात, न्यूसमने हे अहवाल "खूपच त्रासदायक" म्हटले आहेत. आठवड्याच्या सुरुवातीला आग भडकवणारे जोरदार वारे आता कमी झाले असले तरी, आव्हानात्मक परिस्थितीत अग्निशमन दल आग विझवण्याचे काम करत आहे. ईटन आगीवर नियंत्रण मिळविण्यात काही प्रगती झाली आहे, परंतु ताशी 100 किलोमीटर वेगाने वाहणाऱ्या जोरदार वाऱ्यांमुळे पॅलिसेड्स आगीवर नियंत्रण ठेवणे विशेषतः आव्हानात्मक बनले आहे.

आतापर्यंत 12,000 हून अधिक घरे उद्ध्वस्त झाली आहेत

भागात आठ महिन्यांहून अधिक काळ पाऊस पडला नाही, त्यामुळे मोठे नुकसान झाले आहे. या भयानक आगीने अनेक अमेरिकन चित्रपट सेलिब्रिटींच्या घरांना वेढले आहे कारण आगीच्या ज्वाळा हॉलिवूड हिल्सपर्यंत पोहोचल्या आहेत.

(The above story first appeared on LatestLY on Jan 11, 2025 03:56 PM IST. For more news and updates on politics, world, sports, entertainment and lifestyle, log on to our website latestly.com).