QuickLY
Socially
खराब हवामानामुळे चीन (China) मध्ये 21 धावपटूंनी (Runners) आपला जीव गमावला आहे. तसेच एक अद्याप बेपत्ता आहे. स्थानिक अधिकाऱ्यांनी रविवारी सांगितले की, गारपीट, बर्फवृष्टी आणि अतिवृष्टी व वारा यामुळे चीनमधील 100 किलोमीटरच्या क्रॉस-कंट्री पर्वतरांग शर्यतीत 21 जण सहभागी झाले होते. चीनमधील 100 किलोमीटरच्या क्रॉस-कंट्री माउंटन रेसमध्ये 21 लोकांनी भाग घेतला आहे. खराब हवामानामुळे, गांसु प्रांतातील बायिन शहरात हा अपघात झाला.
या शर्यतीत 172 स्पर्धक सहभागी झाले होते, त्यापैकी मदत कार्यसंघाने 151 लोकांना सुखरूप वाचवले आहे. त्यातील काही गंभीर जखमी झाले आहेत, ज्यांना तातडीने रुग्णालयात दाखल करण्यात आले आहे. (वाचा - बाबो! Kim Jong-un यांचा नवा आदेश; उत्तर कोरियामध्ये Mullet Haircut, Ripped आणि Skinny Jeans, नाक व ओठ टोचण्यावर बंदी)
बायिन सिटीचे नगराध्यक्ष झांग जुचेन यांनी रविवारी सांगितले की, अचानक झालेल्या हवामानातील बदलामुळे हा अपघात झाला आहे, पुढील तपास करण्यासाठी एक विशेष पथक तयार करण्यात आले आहे. बचाव मुख्यालयाच्या म्हणण्यानुसार, दुपारी 1 वाजण्याच्या सुमारास अचानक शर्यतीच्या उंच भागात 20-31 कि.मी. दरम्यान अचानक आपत्तीचा परिणाम झाला. त्यानंतर लवकरचं स्थानिक भागात गारपीट, बर्फवृष्टी, पाऊस आणि जोरदार वारा वाहू लागला. त्यामुळे तापमानात घट झाली. यानंतर मॅरेथॉन शर्यत तहकूब करण्यात आली आणि मदत पथकाचे सुमारे बाराशे सदस्य बचाव कार्यात गुंतले. अडकलेल्या लोकांना रात्री बाहेर काढण्यात मदत पथकालाही समस्या येत होती.
बायिन शहरातील अधिकाऱ्यांनी पत्रकार परिषदेत सांगितले की, "वायव्य गांसु प्रांतातील बायिन शहरालगतच्या येल्लो नदीच्या उंच वाळवंटात आयोजित शर्यतीदरम्यान अचानक खराब हवामान तयार झाले. दुपारच्या सुमारास अचानक झालेल्या विनाशकारी वातावरणामुळे 20 ते 31 किलोमीटर दरम्यानच्या शर्यतीच्या उंच भागात अचानक परिणाम झाला. स्थानिक भागात गारपीट व बर्फवृष्टी सुरू झाली आणि थोड्याच वेळात जोरदार वारे वाहू लागले.
