NRAI ने नेमबाज अंजुम मुदगील यांना खेलरत्न, जसपाल राणा यांना द्रोणाचार्य पुरस्कारासाठी सलग दुसर्‍या वर्षी केले नामांकित

नॅशनल रायफल असोसिएशन ऑफ इंडियाने (NRAI) दिग्गज रायफल नेमबाज अंजुम मुदगिलला (Anjum Moudgil)  देशातील सर्वोच्च क्रीडा सन्मान राजीव गांधी खेलरत्न (Khel Ratna), तर प्रशिक्षक जसपाल राणा (Jaspal Rana) यांना सलग दुसर्‍या वर्षी द्रोणाचार्य पुरस्कारासाठी (Dronacharya Award) नामांकन दिले आहे. फेडरेशनच्या सूत्रांनी दिलेल्या माहितीनुसार एनआरएआयने प्रतिष्ठित अर्जुन पुरस्कारासाठी चॅम्पियन पिस्तूल नेमबाज सौरभ चौधरी आणि अभिषेक वर्मा यांचीही नावे पाठविली आहेत. “अंजुम मुदगील यांना खेलरत्नसाठी तर एनआरएआयने पुन्हा जसपालचे नाव द्रोणाचार्य पाठविले आहे. त्यांचा नेहमीच असा विश्वास आहे की ते त्यास पात्र आहे आणि या वेळी त्यांना मिळेल अशी त्यांची अपेक्षा आहे," असे एका महासंघाच्या सूत्रांनी सांगितले. अर्जुन पुरस्कारासाठी सौरभ चौधरी आणि अभिषेक वर्मा यांची शिफारस करण्यात आली आहे. एनआरएआयच्या वरिष्ठ अधिकाऱ्यांशी संपर्क साधला असता केवळ ते नावं निश्चित करण्याच्या प्रक्रियेत असल्याचे सांगितले. (अर्जुन पुरस्कारासाठी BCCI कडून जसप्रीत बुमराह, शिखर धवन यांना मिळू शकते उमेदवारी; दिप्ती शर्मा आणि शिखा पांडे यांच्या शिफारशीचीही शक्यता)

2008 मध्ये शूटिंग सुरू करणारी 26-वर्षीय मुदगील, टोकियो ऑलिम्पिकमधील कोट्यात स्थान मिळवणाऱ्या पहिल्या दोन भारतीयांपैकी एक आहे. 2008 मध्ये कोरियामध्ये झालेल्या आयएसएसएफ वर्ल्ड कप तिने रौप्य पदक जिंकले तेव्हा मुदगिलने दहा मीटर एअर रायफल स्पर्धेत कोटा मिळविला. राजीव गांधी खेल रत्न पुरस्कारात पदक, प्रमाणपत्र आणि 7.5 लाख रुपये रोख असे पुरस्कार आहेत.

दुसरीकडे, एशियन गेम्समधील बहुविध सुवर्णपदक मिळवणाऱ्या 43 वर्षीय राणाला मनु भाकर, सौरभ आणि अनिश भानवाला यांना जागतिक दर्जाच्या नेमबाजांना प्रशिक्षण दिल्याचे श्रेय दिले जाते. क्रीडापटू किंवा संघ यशस्वीपणे प्रशिक्षण घेतलेल्या नामवंत प्रशिक्षकांना द्रोणाचार्य पुरस्कार देण्यात येतात. या पुरस्कारामध्ये पाच लाख रुपये रोख पारितोषिक आहे.

(The above story first appeared on LatestLY on May 14, 2020 03:17 PM IST. For more news and updates on politics, world, sports, entertainment and lifestyle, log on to our website latestly.com).