Novak Djokovic Australia Visa Row: सर्बियन टेनिसस्टार नोवाक जोकोविचचा ऑस्ट्रेलियन व्हिसा नाट्यमयरित्या रद्द, न्यायालयीन अपील सोमवारपर्यंत स्थगित
Australian Open 2022: नोवाक जोकोविचने व्हिसा रद्द केल्याच्या विरोधात कोर्टात केलेल्या अपीलची सुनावणी सोमवार सकाळपर्यंत स्थगित करण्यात आली आहे. वैद्यकीय सवलत मिळाल्यानंतर ऑस्ट्रेलियन ओपनच्या विजेतेपद कायम ठेवण्यासाठी जोकोविच मेलबर्नला पोहोचला. तथापि, त्याच्या आगमनावेळी विमानतळावर फेडरल बॉर्डर फोर्सच्या अधिकाऱ्यांनी सांगितले की जोकोविच त्याच्या सूटचे कारण सिद्ध करू शकला नाही.
Novak Djokovic Australia Visa Controversy: सर्बियाचा (Serbia) वर्ल्ड नंबर वन टेनिसस्टार नोवाक जोकोविचला (Novk Djokovic) वर्षातील पहिल्या ग्रँड-स्लॅम, ऑस्ट्रेलियन ओपन, स्पर्धेसाठी कांगारू देशात प्रवासासाठी मनाई करण्यात आली आहे. जोकोविच मेलबर्नमध्ये (Melbourn) पोहोचला तेव्हा त्याचा व्हिसा नाट्यमयरित्या रद्द करण्यात आला. यानंतर जोकोविचने त्याला देशातून हद्दपार करण्याच्या ऑस्ट्रेलियन अधिकाऱ्यांच्या निर्णयाविरुद्ध कोर्टात धाव घेत कायदेशीर लढाई सुरू करण्याचा निर्णय घेतला आहे. ‘वैद्यकीय सूट’ मिळाल्याने जोकोविच ऑस्ट्रेलियन ओपन (Australian Open) 2022 मध्ये भाग घेण्यासाठी देशात पोहोचला होता. ताज्या वृत्तानुसार सर्बियन टेनिस स्टारने त्याचा व्हिसा रद्द करण्याच्या विरोधात केलेली अपील सोमवार, 10 जानेवारी रोजी सकाळी 10 वाजेपर्यंत (AEST) स्थगित करण्यात आली आहे. (Australian Open 2022: नोवाक जोकोविचचा ऑस्ट्रेलियन ओपनमध्ये खेळण्यावर शिक्कामोर्तब, ‘सवलतीच्या परवानगी’ने ग्रँड स्लॅम स्पर्धेसाठी नंबर 1 टेनिसपटू सज्ज)
पंतप्रधान स्कॉट मॉरिसन यांनी कोविड -19 लसीला वैद्यकीय सवलतीच्या पुराव्याअभावी देशात प्रवेश करण्याचा टेनिसपटूचा व्हिसा रद्द केल्याची पुष्टी केल्यानंतर जोकोविच मेलबर्नमधील इमिग्रेशन डिटेन्शन सुविधेत राहणार आहे. फेडरल सर्किट कोर्टाचे न्यायाधीश अँथनी केली म्हणाले की व्हिसाच्या निर्णयांचे पुनरावलोकन आणि जोकोविचच्या हद्दपारीवर तात्पुरती बंदी घालण्यासाठी अर्ज प्राप्त करण्यास विलंब झाला. तसेच वृत्तसंस्था असोसिएटेड प्रेसच्या म्हणण्यानुसार, सरकारी वकिलाने टेनिस स्टारला शुक्रवारपर्यंत लवकरात लवकर हद्दपार केले जाऊ नसल्याचे मान्य केले. याशिवाय जोकोविचचे वकील गुरुवारी सकाळी फेडरल सर्किट कोर्टात होते आणि 20 वेळा ग्रँड स्लॅम चॅम्पियनला हद्दपार होण्यापासून रोखण्याचे प्रयत्न करत होते. मात्र, दुपारपर्यंत सुनावणी पुढे ढकलण्यात आली होती, जी आता सोमवारपर्यंत लांबणीवर पडली आहे.
व्हिक्टोरियन सरकारकडून सूट मिळाल्यानंतर जोकोविच ऑस्ट्रेलियाला रवाना झाला. त्या सूट - ज्याची कारणे माहित नाहीत - त्याच्या फेडरल सरकारने जारी केलेल्या व्हिसाचे समर्थन करते. तथापि, त्याच्या आगमनावेळी विमानतळावरील फेडरल बॉर्डर फोर्सच्या अधिकाऱ्यांनी सांगितले की जोकोविच त्याच्या सूटचे कारण सिद्ध करू शकला नाही. ऑस्ट्रेलियन टास्क फोर्स जे सूट पॅरामीटर्स सेट करते ते पात्रता म्हणून मागील सहा महिन्यांत लसीकरण आणि COVID-19 संसर्गामुळे गंभीर हृदयविकाराचा धोका सूचीबद्ध करते. तथापि, मॉरिसन यांनी गुरुवारी सांगितले की टेनिस ऑस्ट्रेलियाला आठवड्यांपूर्वी सल्ला देण्यात आला होता की अलीकडील संसर्ग सवलतीचे निकष पूर्ण करत नाही.
(The above story first appeared on LatestLY on Jan 06, 2022 02:20 PM IST. For more news and updates on politics, world, sports, entertainment and lifestyle, log on to our website latestly.com).
