Coronavirus: फुटबॉल चाहत्यांसाठी आली गोड बातमी, जुवेंटसचा स्टार खेळाडू पाउलो डायबाला झाला कोरोना मुक्त
फुटबॉल चाहत्यांसाठी ही मोठी गोड बातमी आज समोर आली आहे. फुटबॉलर पाउलो डायबालाने कोरोना व्हायरसलायशस्वी लढा दिल्याचे जुवेंटस यांनी जाहीर केले. जुवेंटसने बुधवारी एक संक्षिप्त विधान जारी केले की डायबालाच्या नवीन दोन कोविड-19 चाचण्या पुन्हा नकारात्मक झाल्या आहेत.
फुटबॉल चाहत्यांसाठी ही मोठी गोड बातमी आज समोर आली आहे. फुटबॉलर पाउलो डायबाला (Paulo Dybala) याने कोरोना व्हायरसला (Coronavirus) यशस्वी लढा दिल्याचे जुवेंटस यांनी जाहीर केले. जुवेंटसने (Juventus) बुधवारी एक संक्षिप्त विधान जारी केले की डायबालाच्या नवीन दोन कोविड-19 चाचण्या पुन्हा नकारात्मक झाल्या आहेत. "प्रोटोकॉलनुसार डायबालाने कोरोना व्हायरससाठी डायग्नोस्टिक टेस्ट (स्वॅब) चे डबल चेक केले, जे नकारात्मक निकालासह परत आले," जुवेंटसने एका निवेदनात म्हटले आहे. इटालियन चॅम्पियन्स पुढे म्हणाले, “त्यामुळे खेळाडू बरा झाला आहे आणि यापुढे त्याला होम क्वारंटाइन केले जाणार नाही.” जवळजवळ दोन महिन्यांपासून या आजाराशी लढा दिल्यावर डायबाला बरा झाला आहे. डायबालाची कोविड-19 चाचणी पहिल्यांदा मार्चमध्ये सकारात्मक आली होती. यापूर्वी त्याच्या टीमचे सदस्य डेनियल रुगानी आणि ब्लेस मटुडी यांची कोरोना चाचणी देखील सकारात्मक आढळली होती. (Coronavirus: जर्मनीच्या टॉप दोन फुटबॉल विभागात 10 COVID-19 पॉसिटीव्ह प्रकरणे)
डायबालाने सोशल मीडियावरील पोस्टमध्ये म्हटले होते की त्याला आणि त्याची गर्लफ्रेंड ओरयाना सेबाटिनी यांनाही कोरोनाचा संसर्ग झाल्याचे आढळले आहे. यानंतर, डायबालाचा कोरोना व्हायरस टेस्टचा अहवाल मागील सहा आठवड्यांत चौथ्यांदा सकारात्मक आढळला. पण आता तो त्यातून सावरला आहे. 26 वर्षीय डायबलाने स्वत: च्या रिकव्हरीबद्दल सोशल मीडियावर माहिती दिली आहे. त्यांनी ट्विटरवर लिहिले की, “गेल्या आठवड्यात बरेच लोक माझ्याशी बोलले. पण मी आता ठीक आहे याची पुष्टी मी शेवटी करू शकतो. आपल्या समर्थनाबद्दल पुन्हा धन्यवाद. जे अजूनही यातना भोगत आहेत त्यांच्याबद्दल मी संवेदना व्यक्त करतो. स्वतःची काळजी घ्या."
Many people talked in the past weeks ... but I can finally confirm that I am healed. Thank you once again for your support and my thoughts on all who are still suffering from it. Take care! ♥️
— Paulo Dybala (@PauDybala_JR) May 6, 2020
दरम्यान, यापूर्वी इटालियन लीग सेरी-ए टीमने सोमवारपासून वैयक्तिक प्रशिक्षण सुरू केले आहे आणि जुवेंटसने आपल्या 10 परदेशी खेळाडूंनाही परत बोलावले आहे. 18 मे रोजी संपूर्ण टीम प्रशिक्षण पुन्हा सुरू होण्यापूर्वी इतर अनेक इटालियन लीगही या आठवड्यात वैयक्तिक आधारावर प्रशिक्षण सुरू करू शकतात.
(The above story first appeared on LatestLY on May 07, 2020 04:56 PM IST. For more news and updates on politics, world, sports, entertainment and lifestyle, log on to our website latestly.com).
