Commonwealth Games 2022: भारतीय महिला टेबल टेनिस संघ स्पर्धेतून बाहेर, कॉमनवेल्थ गेम्समध्ये 'असा' गेला भारतीय खेळाडूंचा दुसरा दिवस
Commonwealth Games 2022 (Photo Credit: Twitter/File photo)

शनिवार हा राष्ट्रकुल खेळ 2022 (Commonwealth Games 2022) मधील भारतीय दलासाठी चढ-उतारांचा दिवस होता. जिथे एकीकडे वेटलिफ्टर मीराबाई चानूने (Mirabai Chanu) भारतासाठी पहिले सुवर्ण जिंकून देशाचा गौरव केला.  त्याचवेळी, राष्ट्रकुल स्पर्धेत भारतीय महिला टेबल टेनिस संघ मलेशियाकडून पराभव पत्करावा लागल्यानंतर बाहेर पडला. दरम्यान, भारतीय महिला हॉकी संघाने वेल्सचा 3-1 असा पराभव करत आपला दुसरा विजय नोंदवला. भारताची स्टार टेबल टेनिसपटू मनिका बत्राच्या (Table tennis player Manika Batra) नेतृत्वाखाली भारतीय महिला टेबल टेनिस संघाने गट सामन्यात सहज विजयाची नोंद केली.

दुसरीकडे शनिवारी झालेल्या उपांत्यपूर्व फेरीच्या सामन्यात मलेशियाच्या खेळाडूंचे कडवे आव्हान असताना भारताला शेवटच्या आठ सामन्यांत पराभवाला सामोरे जावे लागले. यासह, भारतीय महिला टेबल टेनिस संघ राष्ट्रकुल क्रीडा 2022 स्पर्धेतून बाहेर पडला. सध्या, भारतीय महिला टेबल टेनिस संघ 22 व्या राष्ट्रकुल स्पर्धेतून बाहेर पडला असताना, भारतीय महिला हॉकी संघाने गट सामन्यांमध्ये आपली विजयी घोडदौड कायम ठेवली आहे.

भारतीय महिला हॉकी संघाने शनिवारी वेल्सच्या महिला हॉकी संघाचा 3-1 असा पराभव करत सलग दुसरा विजय नोंदवला. तत्पूर्वी शुक्रवारी भारतीय महिला हॉकी संघाने कडवी टक्कर देत घाना संघाचा 5-0 असा पराभव करून विजयाने आपल्या मोहिमेची सुरुवात केली. वेल्सविरुद्ध खेळल्या गेलेल्या सामन्याआधीच नवज्योत कौर यांना कोरोनाची लागण झाली होती. त्यामुळे भारतीय संघाला मोठा फटका बसला आहे. हेही वाचा Commonwealth Games 2022: राष्ट्रकुल क्रीडा स्पर्धेत Mirabai Chanu ने जिंकले सुवर्णपदक; PM Narendra Modi यांनी केले अभिनंदन

शनिवारी वेल्सविरुद्ध खेळताना सविता पुनियाच्या नेतृत्वाखालील भारतीय महिला हॉकी संघाच्या वंदना कटारियाने 26व्या आणि 48व्या मिनिटाला दोन गोल केले.  दुसरीकडे, गुरजीत कौरने 28व्या मिनिटाला गोल करून फरक बराच वाढवला. सध्या भारताशी झुंज देत असताना वेल्स संघाला यश मिळाले आणि 45व्या मिनिटाला जेना ह्युजेसने गोल करत पराभवाचे अंतर कमी करण्यात मदत केली. आता भारतीय संघ 2 ऑगस्टला इंग्लंडशी भिडणार आहे.