T20 World Cup 2024 Super-8: आतापर्यंत सात संघांनी सुपर-8 मध्ये मिळवले स्थान, शेवटच्या जागेसाठी या दोन संघामध्ये होणार चुरशीची लढत
आतापर्यंत सात संघांनी सुपर-8 मध्ये आपले स्थान पक्के केले आहे. इंग्लडने नामिबियाचा पराभव करुन ग्रुप बी मधून सुपर-8 साठी प्रवेश केला आहे. आत्तापर्यंत भारत, अमेरिका, ऑस्ट्रेलिया, इंग्लंड, अफगाणिस्तान, वेस्ट इंडीज आणि दक्षिण आफ्रिका सुपर-8 साठी पात्र ठरले आहेत. सुपर-8 मध्ये संघ दोन गटात विभागले जातील.
ICC T20 World Cup 2024: टी-20 विश्वचषक 2024 (T20 World Cup 2024) थरार आता सुपर-8 कडे वळला आहे. आतापर्यंत सात संघांनी सुपर-8 मध्ये आपले स्थान पक्के केले आहे. इंग्लडने नामिबियाचा पराभव करुन ग्रुप बी मधून सुपर-8 साठी प्रवेश केला आहे. आत्तापर्यंत भारत, अमेरिका, ऑस्ट्रेलिया, इंग्लंड, अफगाणिस्तान, वेस्ट इंडीज आणि दक्षिण आफ्रिका सुपर-8 साठी पात्र ठरले आहेत. सुपर-8 मध्ये संघ दोन गटात विभागले जातील. गट-1 मध्ये भारत, ऑस्ट्रेलिया, अफगाणिस्तान आणि बांगलादेश किंवा नेदरलँडचे संघ असतील. दुसरीकडे, ब गटात वेस्ट इंडिज, दक्षिण आफ्रिका, इंग्लंड आणि अमेरिकेचे संघ आहेत. (हे देखील वाचा: Team India's Super-8 Schedule: सुपर-8 मधील भारताचे वेळापत्रक आले समोर, जाणून घ्या कधी आणि कोणत्या संघासोबत होणार सामना)
सुपर-8 साठी या दोन संघांमध्ये होणार चुरशीचा लढत
सुपर-8 चा शेवटचा संघ बनण्यासाठी गट-ड मध्ये उपस्थित असलेल्या बांगलादेश आणि नेदरलँड्सच्या संघांमध्ये लढत आहे. आतापर्यंत दोन्ही संघ 3-3 सामने खेळले आहेत. बांगलादेशचे 4 गुण आहेत, तर नेदरलँडचे 2 गुण आहेत. बांगलादेशचा शेवटचा सामना नेपाळशी होईल, तर नेदरलँडचा शेवटचा सामना श्रीलंकेविरुद्ध होईल.
England's qualification confirms their face-off against an old rival in a classic clash on June 19 in St Lucia 🎉#T20WorldCup
More ⬇https://t.co/JdPmbzdEKU
— ICC (@ICC) June 16, 2024
सुपर-8 साठी बांगलादेशचे पारडे जड
सुपर-8 मध्ये स्थान मिळवण्यासाठी बांगलादेशला नेपाळविरुद्ध फक्त विजयाची नोंद करावी लागेल. दुसरीकडे, नेदरलँडसाठी हे समीकरण थोडे गुंतागुंतीचे आहे. नेदरलँड्सला शेवटच्या सामन्यात श्रीलंकेविरुद्ध विजय नोंदवावा लागेल आणि बांगलादेशने शेवटचा सामना अत्यंत खराब नेट रनरेटने गमावावा अशी प्रार्थनाही करावी लागेल. अशा प्रकारे, दोन्ही संघांचे गुण समान (4-4) होतील आणि नेट रन रेटद्वारे निर्णय घेतला जाईल. विजयाबरोबरच नेदरलँड्सला निव्वळ धावगती सुधारण्यावरही भर द्यावा लागणार आहे.
19 जूनपासून सुपर-8 चे सामने खेळवले जातील
सुपर-8 अर्थात ग्रुप-1 आणि ग्रुप-2 चे थरारक सामने बुधवार, 19 जूनपासून सुरू होतील. सुपर-8 चा पहिला सामना अमेरिका आणि दक्षिण आफ्रिका यांच्यात अँटिग्वा येथील सर व्हिव्हियन रिचर्ड्स स्टेडियमवर होणार आहे. दोन्ही गटातील टॉप-2 संघ उपांत्य फेरीत प्रवेश करतील.
(The above story first appeared on LatestLY on Jun 16, 2024 03:51 PM IST. For more news and updates on politics, world, sports, entertainment and lifestyle, log on to our website latestly.com).
