JNU हिंसाचाराच्या निषेधाला संजय मांजरेकर यांचे समर्थन, योगेश्वर दत्त याने 'Free Kashmir' पोस्टरवर विचारला प्रश्न
जेएनयू विद्यार्थ्यांना पाठिंबा दर्शवण्यासाठी मुंबईत निदर्शने करण्यात आली, ज्यांना माजी भारतीय क्रिकेटपटू आणि भाष्यकार संजय मांजरेकर यांनी पाठिंबा दर्शविला. ऑलिम्पिक पदक विजेता कुस्तीपटू योगेश्वर दत्त यानेही प्रतिक्रिया व्यक्त केली.
जवाहरलाल नेहरू विद्यापीठात (Jawaharlal Nehru University) विद्यार्थ्यांवरील हल्ल्याला प्रत्येकजण विरोध करीत असून क्रीडा जगही यात मागे नाही. जेएनयू (JNU) विद्यार्थ्यांना पाठिंबा दर्शवण्यासाठी मुंबईत (Mumbai) निदर्शने करण्यात आली, ज्यांना माजी भारतीय क्रिकेटपटू आणि भाष्यकार संजय मांजरेकर (Sanjay Manjrekar) यांनी पाठिंबा दर्शविला. ऑलिम्पिक पदक विजेता कुस्तीपटू योगेश्वर दत्त (Yogeshwar Dutt) यानेही प्रतिक्रिया व्यक्त केली. गेट वे ऑफ इंडिया (Gateway Of India) येथे झालेल्या निषेधाचा फोटो मांजरेकरांनी ट्विट करुन लिहिले की, "शाबाश मुंबई." योगेश्वरने याच्या उत्तरात या निदर्शनाचा फोटो ट्विट केला असून, त्यात एक मुलगी 'फ्री काश्मीर' चे पोस्टर घेऊन उभी असलेली दिसत आहे. हे पोस्ट करून योगेश्वर यांनी संजय मांजरेकर यांना विचारले की, 'हेदेखील या मुंबईतील कामगिरीचे सत्य आहे. अशा माणसांबद्दल मांजरेकरांचे काय म्हणणे आहे? हा फोटो सोशल मीडियावर व्हायरल होत असून बऱ्याच लोकांनी यावर विरोध दर्शवत आहे. ('Free Kashmir' या पोस्टरमुळे राजकारण तापले; किरीट सोमय्या यांच्याकडून पोलिसात तक्रार दाखल तर, संजय राऊत यांनीही दिली संतप्त प्रतिक्रिया)
दरम्यान, योगेश्वरने शेअर केलेल्या मुलीची ओळख पटवण्यात आली आहे. मेहक मिर्झा प्रभु असे या महिलेचे नाव असल्याचे सांगण्यात येत आहे. आणि तिने 'फ्री काश्मीर' चे पोस्टर लावण्याबाबत स्पष्टीकरणही दिले आहे. व्यवसायाने कथाकार-लेखक, मेहक म्हणाले की, प्लेकार्ड ठेवण्याच्या तिच्या हेतूचा चुकीचा अर्थ लावला गेला आहे. प्रभूने फेसबुकवर फोटो शेअर केला आणि यासर्व प्रकरणावर स्पष्टीकरण दिले.
मांजरेकरांचे ट्विट
Well done Mumbai! https://t.co/IpVWhpd3A9
— Sanjay Manjrekar (@sanjaymanjrekar) January 7, 2020
योगेश्वरची प्रतिक्रिया
ये भी इसी मुम्बई प्रदर्शन की सचाई है। @sanjaymanjrekar ऐसे लोगों के बारे में क्या कहना है आप का । https://t.co/1GmNgNhjBi pic.twitter.com/pKWfORZmgi
— Yogeshwar Dutt (@DuttYogi) January 7, 2020
रविवारी मध्यरात्री दक्षिण मुंबईतील कुलाब्यात गेट वे ऑफ इंडियासमोर विद्यार्थी आणि महिलांसह मोठ्या संख्येने लोकं एकत्र आले होते. अनुराग कश्यप, स्वरा भास्कर, विशाल दादलानी, दिया मिर्झा या सारख्या बॉलीवूड सेलिब्रिटीसुद्धा इथे उपस्थित होत्या. रविवारी रात्री जेएनयू कॅम्पसमध्ये लाठ्या आणि लोखंडी रॉडांनी काही मुखवट्यांनी कॅम्पसमध्ये प्रवेश केला आणि विद्यार्थ्यांसह शिक्षकांवर हल्ला केला आणि कॅम्पसमधील मालमत्तेचे नुकसान केले. याच्यानंतर पोलिसांना बोलावण्यात आले.
(The above story first appeared on LatestLY on Jan 07, 2020 05:12 PM IST. For more news and updates on politics, world, sports, entertainment and lifestyle, log on to our website latestly.com).
