T20 World Cup 2021 India Squad: भारताच्या टी-20 वर्ल्ड कप संघात कोणत्या खेळाडूंना मिळणार प्रवेश? सूर्यकुमार-सिराजसह ‘हे’ युवा आहेत दावेदार!
टीम इंडियामध्ये आगामी टी-20 विश्वचषक स्पर्धेसाठी कोणत्या खेळाडूंची निवड होणार याची घोषणा पुढील एका आठवड्यात केली जाऊ शकते. वृत्तांनुसार निवडकर्ते टी-20 विश्वचषकासाठी 15 खेळाडूंची निवड करू शकतात. अशा स्थितीत कोणत्या खेळाडूंना संघात स्थान मिळते हे पाहणे रंजक ठरेल. ईशान किशन, पृथ्वी शॉ, सूर्यकुमार यादव, सारखे खेळाडू संघात स्थान मिळवण्याचे आघाडीचे दावेदार आहेत.
T20 World Cup 2021 India Squad: टीम इंडियामध्ये (Team India) आगामी टी-20 विश्वचषक (T20 World Cup) स्पर्धेसाठी कोणत्या खेळाडूंची निवड होणार याची घोषणा पुढील एका आठवड्यात केली जाऊ शकते. अहवालांनुसार, ओमान आणि यूएई येथे 17 ऑक्टोबरपासून सुरु होणाऱ्या आयसीसी टी-20 वर्ल्ड कप स्पर्धेसाठी भारतीय संघाची (Indian Team) घोषणा ओव्हल कसोटीनंतर (Oval Test) होऊ शकते. कट्टर भारत आणि पाकिस्तान आगामी टी-20 वर्ल्ड कप ग्रुप-टप्प्यातील सामन्यात 24 ऑक्टोबर रोजी आमनेसामने येतील. वृत्तांनुसार निवडकर्ते टी-20 विश्वचषकासाठी 15 खेळाडूंची निवड करू शकतात. अशा स्थितीत कोणत्या खेळाडूंना संघात स्थान मिळते हे पाहणे रंजक ठरेल. ईशान किशन, पृथ्वी शॉ, सूर्यकुमार यादव (Suryakumar Yadav), श्रेयस अय्यर, मोहम्मद सिराज (Mohammed Siraj), राहुल चाहर, आणि वरुण चक्रवर्ती सारखे खेळाडू संघात स्थान मिळवण्याचे आघाडीचे दावेदार आहेत. (T20 World Cup 2021: ‘या’ दिवशी होणार टीम इंडियाच्या वर्ल्ड कप संघाची घोषणा, BCCI ने केली पुष्टी)
टीम इंडियाकडे प्रतिभावान खेळाडूंची कमतरता नाही, पण त्याला संघात फक्त 15 खेळाडूंची निवड करायची आहे आणि त्यामुळे ते 3 खेळाडूंची राखीव म्हणून निवड करतील. भारतीय टी-20 वर्ल्ड कप संघात 5 तज्ज्ञ फलंदाजांना स्थान दिले जाऊ शकते विराट कोहलीशिवाय रोहित शर्मा, केएल राहुल, सूर्यकुमार यादव आणि श्रेयस अय्यर यांनाही संघात स्थान मिळू शकते. तसेच रवींद्र जडेजा, हार्दिक पांड्या हे 2 अष्टपैलू खेळाडू असतील. हार्दिक सध्या दुखापतीमुळे जास्त गोलंदाजी करत नाही पण त्याला संघात संधी दिली जाऊ शकते. दुसरीकडे, वेगवान गोलंदाजांबद्दल बोलायचे झाले तर जसप्रीत बुमराह, मोहम्मद शमी, दीपक चाहर, भुवनेश्वर कुमार यांना टीममध्ये स्थान मिळू शकते. याशिवाय मोहम्मद सिराजला संधी मिळू शकते. फिरकीपटूंमध्ये युजवेंद्र चहलचे नाव निश्चित मानले जात आहे. तथापि वरुण चक्रवर्ती, वॉशिंग्टन सुंदर आणि राहुल चाहर यांच्यापैकी फक्त एका फिरकीपटूला राखीव म्हणून संधी मिळू शकते.
टी-20 विश्वचषक स्पर्धेसाठी भारताचा संभाव्य संघ: विराट कोहली (विराट कोहली), रोहित शर्मा, केएल राहुल, सूर्यकुमार यादव, रिषभ पंत, हार्दिक पांड्या, रवींद्र जडेजा, युजवेंद्र चहल, जसप्रीत बुमराह, मोहम्मद शमी, भुवनेश्वर कुमार, दीपक चाहर, मोहम्मद सिराज, श्रेयस अय्यर. वरुण चक्रवर्ती/राहुल चाहर/वॉशिंग्टन सुंदर.
(The above story first appeared on LatestLY on Sep 02, 2021 06:29 PM IST. For more news and updates on politics, world, sports, entertainment and lifestyle, log on to our website latestly.com).
