T20 WC 2024 Super 8 Scenario: भारतासह सहा संघ सुपर 8 साठी पात्र, या 10 संघांना मिळाले नारळ; जाणून घ्या संपूर्ण समीकरण
टीम इंडिया सुपर 8 साठी पात्र ठरली आहे. त्यासोबतच आतापर्यंत 6 संघ सुपर 8 मध्ये पोहोचले आहेत. तर पाकिस्तानसह 10 संघ बाहेर पडले आहेत. टीम इंडियाला सुपर 8 मध्ये तीन सामने खेळायचे आहेत. भारताचा पहिला सामना अफगाणिस्तानशी होणार आहे. हा सामना 20 जून रोजी होणार आहे.
T20 World Cup 2024: टी-20 विश्वचषक 2024 ने (T20 World Cup 2024) महत्त्वाचा टप्पा गाठला आहे. आता गट सामने संपणार आहेत आणि सुपर 8 सामने सुरू होणार आहेत. टीम इंडिया (Team India) सुपर 8 साठी पात्र ठरली आहे. त्यासोबतच आतापर्यंत 6 संघ सुपर 8 मध्ये पोहोचले आहेत. तर पाकिस्तानसह 10 संघ बाहेर पडले आहेत. टीम इंडियाला सुपर 8 मध्ये तीन सामने खेळायचे आहेत. भारताचा पहिला सामना अफगाणिस्तानशी (IND vs AFG) होणार आहे. हा सामना 20 जून रोजी होणार आहे. यानंतर भारत आणि ड गटातील दुसऱ्या स्थानावरील संघ यांच्यात सामना होईल. हा सामना 22 जून रोजी होणार आहे. टीम इंडिया 24 जूनला ऑस्ट्रेलियाशी भिडणार आहे. हा भारताचा शेवटचा सुपर 8 सामना असेल.
हे सहा संघ सुपर 8 साठी ठरले पात्र
टी-20 विश्वचषक 2024 च्या ए गटातून भारत आणि अमेरिका सुपर 8 साठी पात्र ठरले आहेत. ऑस्ट्रेलिया ब गटातून पात्र ठरला आहे. दुसरा संघ अद्याप ठरलेला नाही. क गटातून अफगाणिस्तान आणि वेस्ट इंडिज सुपर 8 साठी पात्र ठरले आहेत. दक्षिण आफ्रिका संघ ड गटातून सुपर 8 साठी पात्र ठरला आहे. या गटातील दुसऱ्या संघाचा निर्णयही अद्याप झालेला नाही.
पाकिस्तानसह हे संघांना मिळाले नारळ
ए गटातील पाकिस्तान, कॅनडा आणि आयर्लंड हे संघ 2024 च्या टी-20 विश्वचषकातून बाद झाले आहेत. ब गटातून नामिबिया आणि ओमान बाहेर पडले आहेत. ग्रुप सी बद्दल बोलायचे झाले तर पीएनजी, युगांडा आणि न्यूझीलंड बाहेर आहेत. नेपाळ आणि श्रीलंकेला ड गटातून बाहेर पडावे लागले. (हे देखील वाचा: IND vs CAN T20 WC 2024 Live Streaming Online: टी-20 मध्ये भारत आणि कॅनडा आज प्रथमच येणार आमनेसामने, एका क्लिकवर येथे पाहू शकता लाइव्ह)
सुपर 8 चे सामने 19 जूनपासून होणार सुरु
सुपर 8 चे सामने 19 जूनपासून सुरू होणार आहेत. पहिला सामना अमेरिका आणि दक्षिण आफ्रिका यांच्यात आहे. सुपर 8 चा शेवटचा सामना 24 जून रोजी होणार आहे. हा सामना अफगाणिस्तान आणि डी-2 यांच्यात होणार आहे. यानंतर 26 जून रोजी पहिला उपांत्य सामना खेळवला जाईल. दुसरा उपांत्य फेरीचा सामना 27 जून रोजी होणार आहे. 29 जून रोजी अंतिम सामना होणार आहे. हा सामना बार्बाडोसमध्ये होणार आहे.
(The above story first appeared on LatestLY on Jun 15, 2024 04:42 PM IST. For more news and updates on politics, world, sports, entertainment and lifestyle, log on to our website latestly.com).
