WPL 2024 च्या उद्घाटन समारंभात Shah Rukh Khan सह अनेक बॉलिवूड स्टार्स करणार धमाल, संपूर्ण यादी झाली जाहीर
सामन्यापूर्वी एक नेत्रदीपक उद्घाटन समारंभ आयोजित केला जाईल, ज्यामध्ये अनेक बॉलिवूड तारे त्यांच्या कामगिरीने चाहत्यांचे मनोरंजन करताना दिसतील. WPL च्या दुसऱ्या सीझनच्या ओपनिंग सेरेमनीमध्ये कोणते बॉलिवूड कलाकार परफॉर्म करणार आहेत ते आम्ही तुम्हाला सांगणार आहोत.
WPL 2024 Opening Ceremony: महिला प्रीमियर लीगचा दुसरा हंगाम (WPL 2024) शुक्रवार, 23 फेब्रुवारीपासून सुरू होणार आहे. स्पर्धेच्या पहिल्या सामन्यात, गतविजेते मुंबई इंडियन्स उपविजेत्या दिल्ली कॅपिटल्सला (MI vs DC) आव्हान देईल, जो बेंगळुरूच्या एम चिन्नवामी स्टेडियमवर (Bengaluru M Chinnawami Stadium) खेळला जाईल. सामन्यापूर्वी एक नेत्रदीपक उद्घाटन समारंभ आयोजित केला जाईल, ज्यामध्ये अनेक बॉलिवूड तारे त्यांच्या कामगिरीने चाहत्यांचे मनोरंजन करताना दिसतील. WPL च्या दुसऱ्या सीझनच्या ओपनिंग सेरेमनीमध्ये कोणते बॉलिवूड कलाकार परफॉर्म करणार आहेत ते आम्ही तुम्हाला सांगणार आहोत. (हे देखील वाचा: IPL 2024 Schedule: चेन्नईत 22 मार्च रोजी होणार आयपलीएलचा उद्घाटन सोहळा! अंतिम सामना कधी? एका किल्कवर घ्या जाणून)
सोहळ्याला लागणार बाॅलिवूडचा तडका
उद्घाटन सोहळा सायंकाळी साडेसहा वाजता सुरू होईल. या सोहळ्यात बॉलिवूड कलाकार कार्तिक आर्यन, शाहिद कपूर, वरुण धवन, टायगर श्रॉफ, सिद्धार्थ मल्होत्रा परफॉर्म करणार असल्याची घोषणा WPL ने केली आहे. या सर्वांशिवाय बॉलिवूडचा किंग खान म्हणजेच शाहरुख खान देखील या कार्यक्रमाचा भाग असणार आहे. शाहरुखच्या नावाची घोषणा झाल्यानंतर चाहत्यांमध्ये एक वेगळच उत्साह पाहायला मिळत आहे.
View this post on Instagram
मुंबई इंडियन्सने नावावर केला पहिला सीझन
WPL च्या पहिल्या सीझनच्या ओपनिंग सेरेमनीमध्ये क्रिती सेनन, कियारा अडवाणी आणि प्रसिद्ध पंजाबी गायक एपी धिल्लन यांनी त्यांच्या धमाकेदार परफॉर्मन्सने शोला धुमाकूळ घातला होता. त्या हंगामात, स्पर्धेचे सर्व सामने महाराष्ट्रातील दोन स्टेडियममध्ये खेळले गेले आणि हरमनप्रीत कौरच्या नेतृत्वाखालील मुंबई इंडियन्सने अंतिम फेरीत दिल्ली कॅपिटल्सचा पराभव करून ट्रॉफी जिंकली.
सर्व संघांनी केली जोरदार तयारी
दुसऱ्या सत्रात पाच संघांमध्ये विजेतेपदाची लढत होणार असून 22 सामने खेळवले जाणार आहेत. यावेळी या सामन्यांचे यजमानपद दिल्ली आणि बेंगळुरूमध्ये विभागण्यात आले आहे. पहिले 11 लीग सामने बेंगळुरू येथे होणार आहेत. त्याच वेळी, उर्वरित साखळी सामने आणि एलिमिनेटरसह अंतिम सामने दिल्लीत होणार आहेत. या मेगा लीगसाठी सर्व संघांनी जोरदार तयारी केली आहे. गेल्या काही दिवसांपासून सराव सत्रादरम्यान सर्व संघ याच्या तयारीत व्यस्त होते.
(The above story first appeared on LatestLY on Feb 22, 2024 11:07 AM IST. For more news and updates on politics, world, sports, entertainment and lifestyle, log on to our website latestly.com).
