Ranji Trophy 2020 Final: रोमांचक वळणावर सामना; अखेरच्या दिवशी बंगालला विजयासाठी 71 धावा, सौराष्ट्राला 4 विकेट्सची गरज
बंगाल आणि मागील उपविजेते सौराष्ट्र यांच्यातील रणजी ट्रॉफीच्या या मोसमातील अंतिम सामना अत्यंत रोमांचक वळणावर पोहोचला आहे. आता शुक्रवारी सौराष्ट्राला विजयासाठी 4 विकेट्सची गरज असेल, तर बंगाल 72 धावांची गरज आहे. निकालापेक्षा दोन्ही संघ पहिल्या डावात आघाडीवर लक्ष ठेवून आहेत ज्याच्या आधारावर विजेत्याचा निर्णय घेतला जाईल.
बंगाल (Bengal) आणि मागील उपविजेते सौराष्ट्र (Saurashtra) यांच्यातील रणजी ट्रॉफीच्या (Ranji Trophy) या मोसमातील अंतिम सामना अत्यंत रोमांचक वळणावर पोहोचला आहे. निकालापेक्षा दोन्ही संघ पहिल्या डावात आघाडीवर लक्ष ठेवून आहेत ज्याच्या आधारावर विजेत्याचा निर्णय घेतला जाईल. सौराष्ट्रने पहिल्या डावाच्या एकूण 425 धावा केल्या ज्याच्या प्रत्युत्तरात बंगालने चौथ्या दिवसाचा खेळ संपेपर्यंत 6 विकेट गमावून 354 धावा केल्या आहेत. आता शुक्रवारी सौराष्ट्राला विजयासाठी 4 विकेट्सची गरज असेल, तर बंगाल 72 धावा करून पहिल्या डावाच्या आघाडीच्या जोरावर चॅम्पियन बनण्यावर लक्ष केंद्रित करेल. मात्र, अनुस्तूप मजूमदार (Anustup Majumdar) आणि अर्णब नंदी (Arnab Nadi) यांच्यावर विजयाची जबाबदारी असेल. दिवसाचा खेळ संपल्यावर दोघांनी सातव्या विकेटसाठी नाबाद 89 धावांची भागीदारी केली. अनुस्तुप 134 चेंडूत 8 चौकारांच्या मदतीने 58 धावा, तर नंदी 82 चेंडूंत 3 चौकार आणि 1 षटकारासह 28 धावा करून खेळत आहे. दरम्यान, कोरोना विषाणूमुळे रणजी करंडक स्पर्धेच्या अंतिम दिवशी प्रेक्षकविना रिक्त स्टेडियममध्ये सामना खेळवण्याचा निर्णय घेण्यात आला आहे. (भारताचा माजी सलामीवीर वसीम जाफरने केली निवृत्तीची घोषणा; 19,410 धावा, 57 शतके व 91 अर्धशतकांनी गाजली 25 वर्षांची कारकीर्द)
चौथ्या दिवशी बंगालकडून सुदीप चटर्जी आणि रिद्धिमान साहा यांनी 3 गडी गमावून 134 धावांवरून खेळ सुरु केला. दोघांनीही दिवसाच्या पहिल्या तासांत काळजीपूर्वक फलंदाजी केली आणि हळू हळू धावसंख्या पुढे नेली. परंतु, सौराष्ट्राला धैर्याचे फळ मिळाले आणि धर्मेंद्रसिंह जडेजाच्या शॉर्ट चेंडूवर अनसुप चटर्जीने 81 धावांवर विश्वराज जडेजाकडे झेलबाद झाला. त्याने 241 चेंडूत 7 चौकार ठोकले. चॅटर्जी आणि साहाने चौथ्या विकेटसाठी 101 धावांची महत्त्वपूर्ण भागीदारी केली.
चॅटर्जी बाद झाल्यानंतर थोड्या वेळाने साहाही प्रेरक मांकडच्या चेंडूवर बोल्ड झाला. साहाने 184 चेंडूत 10 चौकार आणि एका षटकाराच्या मदतीने 64 धावा केल्या. त्यानंतर अनुस्तुप आणि शाहबाज अहमदने धावसंख्या पुढे नेण्याचा प्रयत्न केला, पण नंतर अहमद चेतन सकारियाच्या चेंडूवर बोल्ड झाला. त्याने 39 चौकारांच्या मदतीने दोन चौकारांच्या मदतीने 16 धावा केल्या. बंगालने 263 धावांवर सहावी विकेट गमावली आणि सौराष्ट्रच्या चॅम्पियन होण्याची आशा वाढवल्या. मात्र नंतर अनुस्तुप आणि नंदी यांनी आक्रमकता आणि बचावाचे उत्कृष्ट उदाहरण दर्शवत धावांची गती कायम ठेवली.
(The above story first appeared on LatestLY on Mar 12, 2020 07:16 PM IST. For more news and updates on politics, world, sports, entertainment and lifestyle, log on to our website latestly.com).
