IND vs AUS ICC World Cup 2023 Final: खेळपट्टीच्या वादावर पॅट कमिन्सने मौन तोडले, पत्रकार परिषदेत दिली प्रतिक्रिया
भारत विरुद्ध न्यूझीलंड (IND vs NZ) यांच्यातील उपांत्य फेरीच्या सामन्यापासून ही चर्चा सुरू झाली आहे. आयसीसीने मुद्दाम भारताला फायदा होण्यासाठी अशा खेळपट्टीवर सामना आयोजित केल्याचा आरोप आहे, ज्याचा फायदा भारतीय संघाला होईल.
Pitch Controversy: आयसीसी विश्वचषक 2023 दरम्यान (ICC World Cup 2023) खेळपट्टीचा वाद खूप चर्चेत आहे. वास्तविक, भारत विरुद्ध न्यूझीलंड (IND vs NZ) यांच्यातील उपांत्य फेरीच्या सामन्यापासून ही चर्चा सुरू झाली आहे. आयसीसीने मुद्दाम भारताला फायदा होण्यासाठी अशा खेळपट्टीवर सामना आयोजित केल्याचा आरोप आहे, ज्याचा फायदा भारतीय संघाला होईल. या वादावर अनेक दिग्गज खेळाडूंची वक्तव्येही आली आहेत. आता भारत विरुद्ध ऑस्ट्रेलिया यांच्यातील अंतिम सामन्यापूर्वी कांगारू संघाचा कर्णधार पॅट कमिन्सनेही खेळपट्टीवरील वादावर मौन सोडले आहे. पॅट कमिन्सने अंतिम सामन्याच्या एक दिवस आधी पत्रकार परिषदेत खेळपट्टीच्या वादावर वक्तव्य केले आहे. (हे देखील वाचा: ICC Cricket World Cup 2023 Final Ceremony Date, Time and Venue: आयसीसी क्रिकेट विश्वचषक 2023 अंतिम सामना आणि कार्यक्रमाची तारीख, वेळ आणि ठिकाण; जाणून घ्या एकाच क्लिकवर)
It's obviously the same for both teams. No doubt playing on your own wicket, in your own country has some advantages. But we play a lot of cricket over here: Pat Cummins on pitch for the #CWC23 final. pic.twitter.com/jViAoHPJEb
— Press Trust of India (@PTI_News) November 18, 2023
‘आम्ही येथे अनेक सामने खेळलो आहोत’
विश्वचषकाच्या अंतिम सामन्याच्या एक दिवस आधी कर्णधार पॅट कमिन्स पत्रकार परिषद घेत असताना पत्रकाराने कमिन्सला खेळपट्टीबाबत प्रश्न विचारला. पत्रकाराने विचारले की, ज्या खेळपट्टीवर खेळ होणार आहे, या खेळपट्टीचा फायदा कोणाला होणार आहे, याबद्दल तुमचे काय मत आहे. यावर पॅट कमिन्सने उत्तर दिले की हे दोन्ही संघांसाठी स्पष्टपणे समान आहे. फलंदाजीत फायदा असेल तर दोन्ही संघांना याचा फायदा होईल आणि गोलंदाजीतही फायदा असेल तर दोन्ही संघांना फायदा होईल. कमिन्स पुढे म्हणाले की, स्वत:च्या देशात, स्वत:च्या विकेटवर खेळण्याचे काही फायदे आहेत यात शंका नाही. पण आम्हालाही येथे खेळताना कोणतीही अडचण येणार नाही, आम्ही येथे अनेक सामने खेळले आहेत.
दोन्ही संघांसाठी खेळपट्टी सारखीच असेल
खेळपट्टीबाबत होत असलेले आरोप निराधार असल्याचे पॅट कमिन्स यांनी आपल्या वक्तव्यात स्पष्ट केले आहे. खेळपट्टी चांगली खेळली तर ती दोन्ही संघांसाठी चांगली खेळते, त्यामुळे त्यात प्रश्नच नाही. कमिन्सने आपल्या वक्तव्याने फायनलपूर्वी खेळपट्टीवरील वादाची आग थंड करण्याचा प्रयत्न केला आहे.
(The above story first appeared on LatestLY on Nov 18, 2023 12:47 PM IST. For more news and updates on politics, world, sports, entertainment and lifestyle, log on to our website latestly.com).
