Pakistan vs England 1s Test Pitch Report And Weather Forecast: मुलतानच्या मैदानावर गोलंदाज की फलंदाज कोण गाजवणार वर्चस्व? जाणून घ्या खेळपट्टी आणि हवामान अहवाल
दोन्ही संघांमधील हा सामना मुलतानच्या मुलतान क्रिकेट स्टेडियमवर सकाळी 10.30 वाजल्यापासून खेळवला जाईल. पहिल्या कसोटीसाठी दोन्ही संघांचे प्लेइंग 11 जाहीर करण्यात आले आहेत. पाकिस्तान संघाची कमान शान मसूदच्या हाती आहे. तर ओली पोप इंग्लंडचे नेतृत्व करताना दिसणार आहे.
Pakistan National Cricket Team vs England National Cricket Team: पाकिस्तान राष्ट्रीय क्रिकेट संघ विरुद्ध इंग्लंड राष्ट्रीय क्रिकेट संघ यांच्यातील तीन सामन्यांच्या कसोटी मालिकेतील पहिला सामना उद्या, 7 ऑक्टोबरपासून खेळवला जाणार आहे. दोन्ही संघांमधील हा सामना मुलतानच्या मुलतान क्रिकेट स्टेडियमवर सकाळी 10.30 वाजल्यापासून खेळवला जाईल. पहिल्या कसोटीसाठी दोन्ही संघांचे प्लेइंग 11 जाहीर करण्यात आले आहेत. पाकिस्तान संघाची कमान शान मसूदच्या हाती आहे. तर ओली पोप इंग्लंडचे नेतृत्व करताना दिसणार आहे. (हे देखील वाचा: Pakistan vs England 1st Test 2024 Live Streaming: पहिल्या कसोटीत पाकिस्तान आणि इंग्लंड मध्ये चुरशीचा सामना; थेट प्रक्षेपण कधी, कुठे आणि कसा पहाल? जाणून घ्या)
हेड टू हेड रेकॉर्ड
आत्तापर्यंत पाकिस्तान आणि इंग्लंड संघांमध्ये एकूण 88 कसोटी सामने खेळले गेले आहेत. या कालावधीत इंग्लंड संघाने 28 कसोटी सामने जिंकले आहेत. तर, पाकिस्तानने 21 सामन्यांत विजय मिळवला आहे. त्याच वेळी, 39 सामने अनिर्णित राहिले आहेत. पाकिस्तान संघाला मायदेशात इंग्लंडविरुद्ध फक्त 4 कसोटी जिंकता आल्या आहेत तर इंग्लंडने पाकिस्तानमध्ये 5 कसोटी जिंकल्या आहेत. इंग्लंडने गेल्या वेळी कसोटी मालिकेसाठी पाकिस्तानचा दौरा करून तीन सामन्यांची मालिका 3-0 अशी जिंकली होती. अशा परिस्थितीत पुन्हा एकदा इंग्लंड पाकिस्तानविरुद्धच्या कसोटी मालिकेत विजयाचा दावेदार मानला जात आहे.
खेळपट्टीचा अहवाल
पाकिस्तान आणि इंग्लंड यांच्यात मालिकेतील पहिला सामना मुलतान क्रिकेट स्टेडियमवर होणार आहे. कसोटी क्रिकेटमध्ये या खेळपट्टीवर फलंदाजी करणे सोपे आहे. या मैदानावर उच्च स्कोअरिंग सामने होऊ शकतात. चेंडूवर फारच कमी हालचाल होईल आणि येथे पाच दिवसांच्या सामन्यात फलंदाज सपाट विकेटची अपेक्षा करू शकतात. नव्या चेंडूमुळे सुरुवातीच्या षटकांमध्ये वेगवान गोलंदाजांना थोडीफार मदत मिळेल, अशी अपेक्षा आहे.
मुलतान कसे असेल हवामान
पाकिस्तान आणि इंग्लंड यांच्यातील पहिला कसोटी सामना मुलतान येथे 7 ते 11 ऑक्टोबर दरम्यान खेळवला जाणार आहे. सोमवारी मुलतानमध्ये गरमी असेल. तर, तापमान 33 अंश ते 38 अंशांच्या दरम्यान राहण्याची शक्यता आहे. पावसाची शक्यता नाही. सामन्याच्या दुसऱ्या दिवशी पावसाची शक्यता 40 टक्क्यांपर्यंत आहे. पावसामुळे दुसऱ्या दिवसाचा खेळ वाहून जाण्याची शक्यता आहे. याशिवाय उर्वरित दिवस हवामान चांगले राहील.
दोन्ही संघांच्या प्लेइंग इलेव्हनवर एक नजर
पाकिस्तान : सईम अयुब, अब्दुल्ला शफीक, शान मसूद (कर्णधार), बाबर आझम, सौद शकील, मोहम्मद रिझवान (यष्टीरक्षक), आगा सलमान, आमेर जमाल, शाहीन आफ्रिदी, नसीम शाह, अबरार अहमद.
इंग्लंड : जॅक क्रॉली, बेन डकेट, ऑली पोप (सी), जो रूट, हॅरी ब्रूक, जेमी स्मिथ (विकेटकीपर), ख्रिस वोक्स, गस ऍटकिन्सन, ब्रायडन कार्स, जॅक लीच, शोएब बशीर.
(The above story first appeared on LatestLY on Oct 06, 2024 11:00 PM IST. For more news and updates on politics, world, sports, entertainment and lifestyle, log on to our website latestly.com).
