जसप्रीत बुमराह (Photo Credit: PTI)

भारतीय वेगवान गोलंदाज जसप्रीत बुमराहची (Jasprit Bumrah) दुखापत आता टीम इंडिया (Team India) आणि चाहत्यांसाठी चिंतेचा विषय ठरत आहे. बुमराह बऱ्याच दिवसांपासून टीम इंडियातून बाहेर आहे. तो टी-20 विश्वचषकही खेळला नव्हता. जरी तो आयपीएल 2023 (IPL 2023) मध्ये पुनरागमन करेल अशी अपेक्षा होती, परंतु आता अहवाल येत आहेत की तो कदाचित आयपीएल आणि त्यानंतरच्या जूनमध्ये होणाऱ्या कसोटी चॅम्पियनशिपच्या अंतिम (WTC Final) सामन्यातून बाहेर पडेल. आशिया कपमध्ये त्याचे पुनरागमन अपेक्षित आहे. जसप्रीत बुमराहची दुखापत सुरुवातीला वाटत होती त्यापेक्षा जास्त गंभीर आहे. तो अपेक्षेपेक्षा जास्त काळ भारतीय संघाबाहेर असू शकतो. (हे देखील वाचा: IND vs AUS 3rd Test: रवींद्र जडेजाकडे घरच्या भूमीवर इतिहास रचण्याची सुवर्णसंधी, 'या' दिग्गजांसह 'या' खास क्लबमध्ये होणार सामील)

महिन्याभरानंतर आयपीएल सुरू होणार असून त्याला या स्पर्धेत खेळणे कठीण आहे. मीडिया रिपोर्ट्सनुसार, बीसीसीआय आणि आयपीएलशी संबंधित लोकांनी सूचित केले आहे की जवळपास पाच महिन्यांपासून आंतरराष्ट्रीय क्रिकेटमधून बाहेर असलेल्या बुमराहला आराम वाटत नाही आणि तो दीर्घकाळ संघाबाहेर राहू शकतो. भारतीय संघ व्यवस्थापन देखील बुमराहच्या पुनरागमनासाठी घाई करू इच्छित नाही आणि त्याला यावर्षीच्या एकदिवसीय विश्वचषकासाठी पूर्णपणे तंदुरुस्त ठेवायचे आहे. एकदिवसीय विश्वचषक यंदा भारतात ऑक्टोबर-नोव्हेंबर महिन्यातच होणार आहे. याआधी आशिया चषकही खेळवला जाणार आहे. बुमराह या स्पर्धेत पुनरागमन करू शकतो.

बुमराहने देशाकडून शेवटचा टी-20 गेल्या वर्षी 25 सप्टेंबर रोजी ऑस्ट्रेलियाविरुद्ध खेळला होता. यानंतर जानेवारी महिन्यात त्याचा टीम इंडियात समावेश करण्यात आला होता, मात्र कोणताही सामना न खेळता त्याला संघातून वगळण्यात आले होते. सुरुवातीला असे मानले जात होते की बुमराह आयपीएलद्वारे पुनरागमन करेल. टी-20 फॉरमॅटमध्ये गोलंदाजाला एका सामन्यात फक्त चार षटके टाकावी लागतात. अशा स्थितीत बुमराह हळूहळू पूर्ण तंदुरुस्ती प्राप्त करेल, परंतु तसे झाले नाही. आता तो पूर्णपणे तंदुरुस्त झाल्यानंतरच संघ व्यवस्थापनाला त्याला मैदानात उतरवायचे आहे.