टीम इंडिया (Photo Credit: PTI)

टीम इंडियाचा (Team India) आगामी दक्षिण आफ्रिका दौरा (South Africa Tour) एका आठवड्यासाठी पुढे ढकलला जाऊ शकतो. दक्षिण आफ्रिकेत कोविड-19 चे ओमिक्रॉन व्हेरियंट  (Omicron Variant)समोर आल्यानंतर BCCI मोठे पाऊल उचलू शकते. यापूर्वी असे कळले होते की भारतीय क्रिकेट नियामक मंडळाने (बीसीसीआय) दक्षिण आफ्रिका दौऱ्यासाठी संघ निवड थांबवली आहे, कारण ते भारत सरकारच्या (Indian Government) मंजुरीची प्रतीक्षा करत आहे. मात्र, बोर्डाकडून या प्रकरणाला अद्याप दुजोरा मिळालेला नाही. भारत 17 डिसेंबर ते 26 जानेवारी दरम्यान दक्षिण आफ्रिकेविरुद्ध 3 कसोटी आणि एकदिवसीय मालिका व 4 टी-20 सामने खेळणार आहे. तसेच न्यूझीलंडविरुद्ध मुंबई येतेच दुसरी कसोटी संपल्यानंतर भारतीय संघ (Indian Team) 8 किंवा 9 डिसेंबर रोजी दक्षिण आफ्रिकेला रवाना होणार होता. बीसीसीआयच्या सूत्राने ANI या वृत्तसंस्थेला सांगितले की, आम्ही मालिका एका आठवड्याने वाढवण्याचा विचार करत आहोत. याचे कारण कोरोनाच्या नवीन प्रकाराशी संबंधित आहेत. (IND vs SA Series 2021-22: दक्षिण आफ्रिका दौऱ्यासाठी लवकर होणार टीम इंडियाची घोषणा, विराट कोहलीच्या ODI कॅप्टन्सीचेही भवितव्य ठरणार)

बीसीसीआयच्या एका अधिकाऱ्याने एएनआयला पुष्टी दिली की दोन्ही बोर्ड सतत संपर्कात आहेत आणि खेळाडूंची सुरक्षा लक्षात घेऊन निर्णय घेतला जाईल. BCCI आणि क्रिकेट दक्षिण आफ्रिका (CSA) दोघेही नवीन कोविड व्हेरियंटच्या वाढत्या चिंतेच्या पार्श्वभूमीवर दौऱ्याला पुढे नेण्यास उत्सुक आहेत. विशेष म्हणजे, बोर्डाने भारत अ संघाला अद्याप परत बोलावलेले नाही जे सध्या ब्लूमफॉन्टेन येथे यजमानांविरुद्ध 3-4 दिवसीय अनधिकृत कसोटी सामने खेळत आहेत. उल्लेखनीय म्हणजे, नेदरलँड आणि दक्षिण आफ्रिका यांच्यातील 3 सामन्यांची एकदिवसीय मालिका ओमिक्रॉनमुळे गेल्या महिन्यात पुढे ढकलण्यात आली होती. तथापि, दक्षिण आफ्रिका सरकारने मालिकेसाठी भारतीय क्रिकेटपटूंच्या पाहुणचारासाठी आशावादी असल्याचे सांगितले आणि ओमिक्रॉनच्या धोक्यात खेळाडूंना सुरक्षा आणि सुरक्षेची हमी दिली.

दरम्यान, Omicron प्रकारामुळे निर्माण झालेल्या चिंतेच्या पार्श्वभूमीवर, भारताने 15 डिसेंबरपासून व्यावसायिक आंतरराष्ट्रीय प्रवासी उड्डाणे पुन्हा सुरू करण्याची योजना आधी ठरवल्याप्रमाणे पुढे ढकलली आहे. सरकारने विमानतळांवर आंतरराष्ट्रीय प्रवाशांसाठी कठोर Covid-19 मार्गदर्शक तत्त्वे देखील लागू केली आहेत आणि “जोखीम असलेल्या” देशांची यादी अद्यतनित केली आहे.