IND vs NZ 1st T20I: भारताविरुद्ध सलामीच्या सामन्यापूर्वी न्यूझीलंडची ताकद वाढली, ‘हा’ तुफानी गोलंदाज झाला तंदुरुस्त, भारताच्या नाकात करणार दम!
भारत आणि न्यूझीलंड यांच्यातील पहिल्या T20 सामन्यापूर्वी पाहुण्या संघासाठी आनंदाची बातमी समोर आली आहे. वेगवान गोलंदाज लॉकी फर्ग्युसन तंदुरुस्त आणि खेळण्यासाठी सज्ज आहे. किवी प्रशिक्षक गॅरी स्टेड यांनी ही माहिती दिली. फर्ग्युसन वेगवान गोलंदाजी करतो आणि त्याचा यॉर्करही खूप मारक आहे. अशा परिस्थितीत रोहित शर्माच्या नेतृत्वातील टीम इंडियासाठी तो धोकादायक ठरू शकतो.
भारत (India) आणि न्यूझीलंड (New Zealand) यांच्यातील पहिल्या T20 सामन्यापूर्वी पाहुण्या संघासाठी आनंदाची बातमी समोर आली आहे. वेगवान गोलंदाज लॉकी फर्ग्युसन (Lockie Ferguson) तंदुरुस्त आणि खेळण्यासाठी सज्ज आहे. किवी प्रशिक्षक गॅरी स्टेड (Gary Stead) यांनी ही माहिती दिली. युएई येथे टी-20 विश्वचषक (T20 World Cup) दरम्यान फर्ग्युसनच्या पोटरीला दुखापत झाली होती. त्यामुळे विश्वचषकातील सर्व सामने तो खेळू शकला नाही. मात्र भारताविरुद्ध मालिकेपूर्वी त्याच्या फिटनेसमुळे किवी संघाची ताकद नक्कीच वाढणार आहे. फर्ग्युसन वेगवान गोलंदाजी करतो आणि त्याचा यॉर्करही खूप मारक आहे. अशा परिस्थितीत रोहित शर्माच्या नेतृत्वातील टीम इंडियासाठी (Team India) तो धोकादायक ठरू शकतो. दरम्यान, भारताविरुद्ध कसोटी सामने महत्त्वाचे असल्याचे सांगून न्यूझीलंडचे मुख्य प्रशिक्षक गॅरी स्टेड म्हणाले की, यजमानांविरुद्ध टी-20 मालिकेत सर्व फॉरमॅटमध्ये खेळणाऱ्या खेळाडूंना विश्रांती दिली जाईल. (IND vs NZ 1st T20I Live Streaming: भारत विरुद्ध न्यूझीलंड सामन्याचे लाईव्ह प्रक्षेपण आणि स्ट्रीमिंग कुठे, कसे बघता येणार?)
कर्णधार केन विल्यमसन आणि वेगवान गोलंदाज काईल जेमीसन या सर्व फॉरमॅटमधील खेळाडूंना टी-20 मालिकेसाठी विश्रांती देण्यात आली आहे. दोन्ही संघात ग्लेन फिलिप्स, डॅरिल मिशेल, मिचेल सँटनर आणि टिम साऊदी यांचा समावेश असलेले उर्वरित खेळाडू आहेत. साऊदी हा प्रभारी कर्णधार असेल. स्टेडने न्यूझीलंड क्रिकेटच्या मीडिया टीमला सांगितले की, “तुम्हाला नक्कीच दिसेल की संपूर्ण संघाला (T20) येथे 'मॅच टाइम' मिळेल. पुनरुच्चार करण्यासाठी आम्ही खेळाडूंच्या कार्यभाराचे व्यवस्थापन करू. आणि विशेषत: कसोटी सामने पाहणे जे आमच्यासाठी खरोखर प्रथम प्राधान्य असेल.” ऑस्ट्रेलियाकडून टी-20 विश्वचषकच्या अंतिम फेरीत पराभवानंतर किवी संघ 24 तासांपूर्वीच जयपूर येथे पोहोचला होता. त्यामुळे भारतातील मालिकेच्या वेळापत्रकावरही प्रश्न उपस्थित केले जात आहेत. कसोटी संघात रॉस टेलर आणि टॉम लॅथम या खेळाडूंचा समावेश आहे जे गेल्या आठवड्यातच येथे आले होते.
Coach Gary Stead with an update from Jaipur on the T20 and Test Squads ahead of the first match on the G.J. Gardner Homes Tour of India. #INDvNZ pic.twitter.com/8kALjfHro2
— BLACKCAPS (@BLACKCAPS) November 17, 2021
स्टेड म्हणाले की फर्ग्युसनने टी-20 साठी पुन्हा फिटनेस मिळवणे हे संघाचे मनोबल वाढवणारे आहे. टी-20 विश्वचषक स्पर्धेत निराशाजनक स्पर्धेनंतर नवा टी-20 कर्णधार रोहित शर्मा आणि मुख्य प्रशिक्षक राहुल द्रविड यांच्या मार्गदर्शनात भारत पहिली मालिका खेळणार आहे. विराट कोहली आणि जसप्रीत बुमराह सारखे प्रमुख खेळाडू वर्कलोड मॅनेजमेंटमध्ये टी-20 खेळणार नाहीत पण स्टेड यांना वाटते की भारतीय संघ नेहमीच मजबूत संघ राहील. “तरीही ते खूप चांगले संघ आहेत. आता त्यांच्याकडे राहुल द्रविडच्या रूपाने नवा प्रशिक्षक आहे आणि मला माहीत आहे की, नवा प्रशिक्षक आल्यावर खेळाडूंना त्याला प्रभावित करून संघात आपला हक्क सांगायचा आहे. मला अपेक्षा आहे की भारतीय संघ खूप मजबूत संघ आहे आणि आमच्याविरुद्ध खूप चांगली कामगिरी करेल. त्यामुळे आम्हाला सकारात्मक राहावे लागेल आणि या खेळाडूंविरुद्ध खेळण्यासाठी आम्हाला आमची रणनीती स्पष्ट करावी लागेल.”
(The above story first appeared on LatestLY on Nov 17, 2021 05:34 PM IST. For more news and updates on politics, world, sports, entertainment and lifestyle, log on to our website latestly.com).
