IND vs ENG 2nd T20I 2025 1st Innings Scorecard: इंग्लंडने भारताला दिले 166 धावांचे लक्ष्य, अक्षर-वरुणने केली कमाल; येथे वाचा स्कोरकार्ड
या मालिकेत इंग्लंडची कमान जोस बटलरच्या खांद्यावर आहे. तर, टीम इंडियाचे नेतृत्व सूर्यकुमार यादव करत आहे. दरम्यान, भारताने नाणेफेक जिंकून गोलंदाजी करण्याचा निर्णय घेतला आहे. प्रथम फलंदाजी करताना इंग्लंडने भारतासमोर 166 धावांचे लक्ष्य ठेवले आहे.
चेन्नई: भारतीय राष्ट्रीय क्रिकेट संघ आणि इंग्लंड क्रिकेट संघ यांच्यातील पाच सामन्यांच्या टी-20 मालिकेतील दुसरा सामना (IND vs ENG 2nd T20I 2025) आज चेन्नईतील एमए चिदंबरम स्टेडियमवर (MA Chidambaram Stadium, Chennai) खेळवला जात आहे. पहिला टी-20 सामना जिंकून टीम इंडियाने मालिकेत 1-0 अशी आघाडी घेतली आहे. आता दुसऱ्या टी-20 सामन्यात भारताला मालिकेत आपली आघाडी मजबूत करायची आहे. तर इंग्लंड मालिकेत पुनरागमन करण्याचा प्रयत्न करेल. या मालिकेत इंग्लंडची कमान जोस बटलरच्या खांद्यावर आहे. तर, टीम इंडियाचे नेतृत्व सूर्यकुमार यादव करत आहे. दरम्यान, भारताने नाणेफेक जिंकून गोलंदाजी करण्याचा निर्णय घेतला आहे. प्रथम फलंदाजी करताना इंग्लंडने भारतासमोर 166 धावांचे लक्ष्य ठेवले आहे.
Innings Break!
Another fine bowling display from #TeamIndia 👏👏
England have set a 🎯 of 1⃣6⃣6⃣
Scorecard ▶️ https://t.co/6RwYIFWg7i#INDvENG | @IDFCFIRSTBank pic.twitter.com/nGGmdVEU3s
— BCCI (@BCCI) January 25, 2025
इंग्लंडची वाईट सुरुवात
नाणेफेक गमावल्यानंतर इंग्लंड प्रथम फलंदाजी करण्यासाठी आला आणि त्यांची सुरुवात निराशाजनक झाली कारण दोन्ही सलामीवीर केवळ 8 धावांवर बाद झाले. संपूर्ण इंग्लंड संघ निर्धारित 20 षटकांत 165 धावांवर ऑलआउट झाला. इंग्लंडकडून कर्णधार जोस बटलरने 45 धावांची शानदार खेळी केली. या खेळीदरम्यान, जोस बटलरने 30 चेंडूत दोन चौकार आणि तीन षटकार मारले. जोस बटलर व्यतिरिक्त ब्रायडन कार्सेने 31 धावा केल्या.
हे देखील वाचा: IND vs ENG 2nd T20I 2025 Stats And Record Preview: दुसऱ्या टी-20 सामन्यात इंग्लंड टीम इंडियाला देणार कडवी झुंज, आजच्या सामन्यात होऊ शकतात 'हे' मोठे विक्रम
वरुण चक्रवर्तीने आणि अक्षर पटेलने प्रत्येकी 2-2 विकेट्स
दुसरीकडे, अर्शदीप सिंगने टीम इंडियाला पहिले मोठे यश मिळवून दिले. टीम इंडियाकडून युवा स्टार गोलंदाज वरुण चक्रवर्तीने आणि अक्षर पटेलने प्रत्येकी 2-2 विकेट्स घेतल्या. अर्शदीप सिंग, हार्दिक पंड्या, सुंदर आणि अभिषेक शर्मा यांनी प्रत्येकी एक विकेट घेतली. हा सामना जिंकण्यासाठी टीम इंडियाला 20 षटकांत 166 धावा कराव्या लागतील. हा सामना जिंकून टीम इंडिया मालिकेत 2-0 आघाडी घेऊ इच्छिते.
(The above story first appeared on LatestLY on Jan 25, 2025 08:37 PM IST. For more news and updates on politics, world, sports, entertainment and lifestyle, log on to our website latestly.com).
