Sarfaraz Khan Interview: 'मी भारतासाठी खेळू शकेन, अशी अपेक्षा नव्हती,' निवड झाल्यानंतर सरफराज खान झाला भावूक
भारत विरुद्ध इंग्लंड यांच्यात सुरू असलेल्या कसोटी मालिकेतील दुसऱ्या सामन्यासाठी सरफराजचा संघात समावेश करण्यात आला आहे. आता कसोटी संघात स्थान मिळाल्यानंतर सरफराजच्या आनंदाला सीमा नाही.
IND vs ENG 2nd Test: सरफराज खान (Sarfaraz Khan) सध्या भारतीय संघाचा भाग आहे. देशांतर्गत क्रिकेटमधील उत्कृष्ट कामगिरीच्या जोरावर या फलंदाजाने टीम इंडियात स्थान निर्माण केले आहे. दरम्यान, भारत विरुद्ध इंग्लंड यांच्यात सुरू असलेल्या कसोटी मालिकेतील दुसऱ्या सामन्यासाठी सरफराजचा संघात समावेश करण्यात आला आहे. आता कसोटी संघात स्थान मिळाल्यानंतर सरफराजच्या आनंदाला सीमा नाही. सरफराज खानने बीसीसीआय टीव्हीशी केलेल्या संभाषणात सांगितले की, “जर आपल्याला कसोटी खेळायची असेल तर प्रतीक्षा करणे खूप महत्वाचे आहे, जेव्हा मला कसोटीत संधी मिळाली असे समजल्यावर माझ्या डोळ्यातून अश्रू येऊ लागले. पण माझ्या वडिलांनी मला एवढंच सांगितलं की तू मेहनत करत राहा, तुला कोणीही थांबवू शकत नाही. मला वाटले की विश्वास असणे खूप महत्वाचे आहे. मी माझ्यापेक्षा माझ्या वडिलांसाठी जास्त आनंदी आहे आणि टीम इंडियासाठी खेळताना खूप आनंद होतो.
𝗦𝗮𝗿𝗳𝗮𝗿𝗮𝘇 𝗞𝗵𝗮𝗻 | 𝗔 𝗱𝗿𝗲𝗮𝗺 𝗰𝗼𝗺𝗲 𝘁𝗿𝘂𝗲
Of Self-belief, Hard work and Patience: An emotional Sarfaraz takes us through his journey to an emotional national call-up 👏👏
WATCH 🎥🔽 #TeamIndia | #INDvENG | @IDFCFIRSTBankhttps://t.co/xfC9G6Oxql
— BCCI (@BCCI) February 1, 2024
सरफराज खान पुढे म्हणाला, “माझ्या निवडीनंतर मला खात्री नव्हती की माझी कसोटी संघात निवड झाली आहे. जेव्हा मी माझ्या घरी सांगितले तेव्हा कोणीही त्यावर विश्वास ठेवला नाही आणि वडील गावात आहेत, जेव्हा मला घरी कळले तेव्हा माझी पत्नी, माझे आई आणि वडील खूप आनंदी आणि भावूक झाले. (हे देखील वाचा: दुखापतीमुळे अष्टपैलू Ravindra Jadeja इंग्लंडविरुद्धच्या दुसऱ्या कसोटीतून बाहेर, पुनरागमनसाठी करत आहे जोरदार तयारी (Watch Video)
दुसऱ्या कसोटीसाठी भारताचा संघ
रोहित शर्मा (कर्णधार), शुभमन गिल, यशस्वी जैस्वाल, श्रेयस अय्यर, केएस भरत (यष्टीरक्षक), ध्रुव जुरेल (यष्टीरक्षक), रविचंद्रन अश्विन, अक्षर पटेल, कुलदीप यादव, मोहम्मद सिराज, मुकेश कुमार, जसप्रीत बुमराह, आवेश खान, रजत पाटीदार, सरफराज खान, वॉशिंग्टन सुंदर आणि सौरभ कुमार.
(The above story first appeared on LatestLY on Feb 01, 2024 08:52 PM IST. For more news and updates on politics, world, sports, entertainment and lifestyle, log on to our website latestly.com).
